વારાણસીમાં યુવતી પર ગેન્ગરેપઃ છ જણની ધરપકડ

વારાણસીઃ જિલ્લાના લાલપુર પાંડેપુર પોલીસ સ્ટેશન વિસ્તારમાં ચાલતી કારમાં યુવતી સાથે સામૂહિક બળાત્કાર થયો હોવાની ઘટના સામે આવી છે. યુવતીના બોયફ્રેન્ડ સહિત સાત યુવકોએ યુવતી પર ચાલતી કારમાં ગેંગરેપ કર્યો હોવાનું બહાર આવ્યું છે. જ્યારે યુવતીની હાલત વધુ ખરાબ થઈ ત્યારે આરોપીઓ યુવતીને તેના ઘરની નજીક રસ્તાના કિનારે ફેંકી દીધી હતી. પીડિતાના પિતાએ રવિવારે પોલીસને લેખિત ફરિયાદ આપી હતી, ત્યાર બાદ પોલીસે છ આરોપીઓની ધરપકડ કરી હતી. આ યુવતીને 29 માર્ચથી ચોથી એપ્રિલ સુધી બંધક બનાવવામાં આવી હતી.

પીડિતા ગ્રેજ્યુએટ સ્ટુડન્ટ છે અને તેના પરિવાર સાથે લાલપુર પાંડેપુર પોલીસ સ્ટેશન વિસ્તારમાં રહે છે. પીડિતાના પિતા ડ્રાઇવર છે, તેમને ચાર પુત્રીઓ અને એક પુત્ર છે. પોલીસના જણાવ્યા અનુસાર બીજી એપ્રિલની સાંજે યુવતી અને તેનો બોયફ્રેન્ડ તેને સિગરાના એક હુક્કાબારમાં લઈ ગયો હતો. હુક્કાબારમાંથી બહાર નીકળતાની સાથે જ તે તેના મિત્ર સાથે કારની પાછળની સીટ પર બેસી ગયો. ત્યાર બાદ તેના મિત્રોએ ચાલતી કારમાં યુવતી સાથે ગેંગરેપ કર્યો હતો.

DCP વરુણ ચંદ્રકાંત મીણાએ કહ્યું હતું કે આ મામલો 29 માર્ચથી 4 એપ્રિલ સુધીનો છે. પીડિતાનું કહેવું છે કે આ ઘટના 29 માર્ચે બની હતી. ત્યાર બાદ ચોથી એપ્રિલે પીડિતાના પિતાએ પોલીસ સ્ટેશનમાં તેમની પુત્રીના ગુમ થવા અંગે ફરિયાદ નોંધાવી હતી. તે જ દિવસે લાલપુર પોલીસ સ્ટેશન દ્વારા યુવતીને શોધી કાઢવામાં આવી હતી, તે દિવસે પીડિતા કે તેના પરિવાર દ્વારા કોઈ પણ પ્રકારના બળાત્કારની ફરિયાદ કરવામાં આવી ન હતી. છઠ્ઠી એપ્રિલે પીડિતા અને તેના પરિવારજનો દ્વારા સામૂહિક બળાત્કારની ફરિયાદ નોંધાવવામાં આવી હતી. પીડિતા દ્વારા નામ આપવામાં આવેલા લોકોમાંથી, પોલીસે અત્યાર સુધીમાં છને અટકાયતમાં લીધા છે.

બીજી તરફ નાઈટ પેટ્રોલિંગમાં બેદરકારી બદલ 16 પોલીસ કર્મચારીઓને પણ ફટકાર લગાવવામાં આવી છે. વારાણસીના પોલીસ કમિશનર મોહિત અગ્રવાલે એકસાથે તમામ 16 પોલીસ કર્મચારીઓને સસ્પેન્ડ કરી દીધા છે. પોલીસ કમિશનરની આ સૂચના બાદ વારાણસી પોલીસ વિભાગમાં ખળભળાટ મચી ગયો છે.

RELATED ARTICLESMORE FROM AUTHOR