નવી દિલ્હીઃ અનિલ શર્મા ડિરેક્ટેડ ફિલ્મ ‘ગદર 2’ દેશમાં રૂ. 300 કરોડની ક્લબમાં સામેલ થઈ ચૂકી છે. આ ફિલ્મે રિલીઝના બીજા શુક્રવારે ડોમેસ્ટિક બોક્સ ઓફિસ પર આશરે રૂ. 20 કરોડની કમાણી કરી છે. સની દેઓલની ‘ગદર 2’ અક્ષયકુમારની ‘OMG 2’ની સાથે 11 ઓગસ્ટે થિયેટરોમાં રિલીઝ થઈ હતી, પણ બીજી ફિલ્મને પછાડતાં ‘ગદર 2’એ બોક્સ ઓફિસ પર કબજો જમાવ્યો છે.
એક અહેવાલ મુજબ આ ફિલ્મ આઠમા દિને દેશમાં કુલ રૂ. 19.50 કરોડનો બિઝનેસ કર્યો હતો. પહેલા સપ્તાહે ‘ગદર 2’એ રૂ. 284.63 કરોડનો બિઝનેસ કર્યો હતો અને હવે અત્યાર સુધી આ ફિલ્મે રૂ. 304.13 કરોડની કમાણી કરી છે.
Posted @withregram • @city1016 Celebrated the success of Gadar 2 with our very own Tara Singh and Sakina! ❤️
Gadar 2 crosses 300 CRS and we had the pleasure of announcing this live on air with the amazing @iamsunnydeol and @ameeshapatel9
City1016 is the Official Radio Partner… pic.twitter.com/I8YAM1oWqU
— ameesha patel (@ameesha_patel) August 19, 2023
‘ગદર 2’ હિન્દી નેટ ફિલ્મમાં 300 કરોડની કમાણી કરનાર 12મી ફિલ્મ છે. વર્લ્ડવાઇડ કમાણી વિશે વાત કરવામાં આવે તો ‘ગદર-2’ એ વિશ્વભરમાં રૂ. 369 કરોડની કમાણી કરી છે. આ ફિલ્મ ઓસ્ટ્રેલિયા, જર્મની, યુએસએ અને યુકે જેવા દેશોમાં સારી કમાણી કરી રહી છે. જ્યારે ફિલ્મનું બજેટ માત્ર 80 કરોડ છે.
બ્લોકબસ્ટર સાબિત થયેલી આ ફિલ્મમાં સની દેઓલ અને અમિષા પટેલ મુખ્ય ભૂમિકામાં છે. ‘ગદર ર’ની ટીમે ફિલ્મને મળેલી સફળતા વિશે ફેન્સનો આભાર વ્યક્ત કર્યો હતો.‘ગદર-2’ આ વર્ષની બીજી સૌથી મોટી હિન્દી ફિલ્મ બની ગઈ છે. હવે માત્ર શાહરુખ ખાનની ફિલ્મ ‘પઠાન’ (543.05 કરોડ) તેનાથી આગળ છે. આ વર્ષે ‘ધ કેરલ સ્ટોરી’ જેવી નાના બજેટની ફિલ્મે સારો બિઝનેસ કર્યો હતો. આ ફિલ્મે રૂ. 238 કરોડના કલેક્શન સાથે બીજા નંબર પર રહી હતી.
