કિલર પત્નીઓઃ ‘બ્લેક વિડોઝ’ વેબસિરીઝનું ટ્રેલર રિલીઝ

મુંબઈઃ એસ્સેલ ગ્રુપની માલિકીની ઝી એન્ટરટેનમેન્ટ એન્ટરપ્રાઈઝીસની પેટા-કંપની અને ઓવર-ધ-ટોપ (OTT) મિડિયા સર્વિસ ઝી5 (ZEE 5)ની ડાર્ક કોમેડી સિરીઝ બ્લેક વિડોઝનું ટ્રેલર રિલીઝ કરવામાં આવ્યું છે. આ વેબસિરીઝમાં ત્રણ પત્નીની ભૂમિકા કરી રહી છે શમિતા શેટ્ટી, મોના સિંહ અને સ્વસ્તિકા મુખર્જી તથા રિયા સેન એક મહત્ત્વની ભૂમિકામાં છે. પુરુષ પાત્રો ભજવનાર કલાકારો છે – આમિર અલી, શરદ કેલકર અને પરમબ્રત ચટ્ટોપાધ્યાય.

વેબ સિરીઝની વાર્તા ત્રણ બહેનપણીઓની જિંદગી પર આધારિત છે. ટ્રેલર પરથી માલુમ પડે છે કે આ ત્રણેય સ્ત્રી પરિણીત છે અને તેઓ એમનાં પતિઓનાં અત્યાચારોથી પરેશાન છે. ત્રણેય પત્ની સાથે મળીને પતિઓને ખતમ કરવાનો પ્લાન ઘડે છે. અને એમની હત્યા કર્યા બાદ નિરાંતની જિંદગી જીવવાનાં સપનાં જુએ છે. ત્યારબાદ વાર્તામાં વળાંક આવે છે અને ત્રણેય સ્ત્રીઓની જિંદગી મુસીબતોથી ઘેરાઈ જાય છે.

બિરસા દાસગુપ્તા દ્વારા દિગ્દર્શિત આ વેબસિરીઝ 18 ડિસેમ્બરે ઝી5 પર સ્ટ્રીમ થશે. શમિતા અને મોનાએ એમની આ વેબસિરીઝનું ટ્રેલર પોતાનાં સોશિયલ મિડિયા એકાઉન્ટ પર શેર કર્યું છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]