નવી મુંબઈમાં લોકોને ઠગનાર ઈન્વેસ્ટમેન્ટ કંપનીના 9ની ધરપકડ

મુંબઈઃ પડોશના નવી મુંબઈ શહેરની પોલીસે એક ખાનગી ઈન્વેસ્ટમેન્ટ કંપનીના 9 અધિકારી અને એજન્ટોની ધરપકડ કરી છે. આ તમામ લોકો પર આરોપ છે કે એમણે આકર્ષક વળતર આપવાનું વચન આપીને પાંચ ઈન્વેસ્ટરો સાથે રૂ. 23.02 લાખની છેતરપીંડી કરી છે.

ઊંચા વળતર આપવાનું વચન આપીને એમણે નવી મુંબઈમાં ધંધો બંધ કરી દીધો હતો.

કેટલાક ઈન્વેસ્ટરોએ ફરિયાદ કર્યા બાદ નવી મુંબઈ પોલીસે કંપનીની મેનેજમેન્ટ ટીમના 9 સભ્યો તથા એજન્ટોની આજે ધરપકડ કરી છે. કંપનીના ડાયરેક્ટર સહિત અન્ય ત્રણ વ્યક્તિને પણ પોલીસ શોધી રહી છે. ભારતીય ફોજદારી કાયદાની સંબંધિત કલમો હેઠળ કેસ નોંધવામાં આવ્યો છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]