ન્યૂયોર્કઃ ‘ગંગુબાઈ કાઠિયાવાડી’ ફિલ્મમાં કરેલા અભિનય બદલ હાલમાં જ વર્ષ 2022 માટે શ્રેષ્ઠ અભિનેત્રીનો ‘ફિલ્મફેર’ એવોર્ડ જીતનાર બોલીવુડ અભિનેત્રી આલિયા ભટ્ટે વિશ્વપ્રસિદ્ધ ફેશન શો – ‘મેટ ગાલા’માં ડેબ્યૂ કર્યું છે. ગઈ કાલે અહીં ‘મેટ ગાલા-2023’માં એ સફેદ ડ્રેસમાં સજ્જ થઈને રેડ કાર્પેટ પર હાજર થઈ હતી. વ્હાઈટ ગાઉનમાં તે કોઈ પરી જેવી બહુ સુંદર દેખાતી હતી. એણે અનોખી વીંટી અને કાનમાં ઈયરિંગ્સ પહેર્યાં હતાં. આલિયા નેપાળી-અમેરિકન ફેશન ડિઝાઈનર પ્રબલ ગુરંગે તૈયાર કરેલા મોતીથી મઢેલા આઉટફિટમાં સજ્જ થઈ હતી. આલિયાએ પોતાની આ તસવીરો ઈન્સ્ટાગ્રામ એકાઉન્ટ પર શેર કરી છે.
દરમિયાન, આલિયાની નવી ફિલ્મ આવી રહી છે ‘રોકી ઔર રાની કી પ્રેમ કહાની’. એમાં તેની સાથે રણવીર સિંહ, ધર્મેન્દ્ર, જયા બચ્ચન, શબાના આઝમી પણ મુખ્ય કલાકારો તરીકે છે. તે ઉપરાંત આલિયાએ એક અન્ય નવી ફિલ્મ ‘જી લે ઝરા’નું શૂટિંગ શરૂ કરી દીધું હોવાનો અહેવાલ છે. આ ફિલ્મનું દિગ્દર્શન ફરહાન અખ્તર સંભાળશે.
View this post on Instagram
(તસવીર સૌજન્યઃ aliaabhatt)
