નવી દિલ્હી: દિલ્હીના રાજકીય ગલીઓમાં એવી ચર્ચા જોરશોરથી ચાલી રહી છે કે સંસદનું ત્રણ દિવસનું વિશેષ સત્ર બોલાવવામાં આવશે, જેમાં સરકાર સીમાંકન અને મહિલા અનામત બિલ પસાર કરાવશે. હવે સૌથી મોટો સવાલ એ છે કે શું સરકાર પાસે આ બિલ પસાર કરાવવા માટે પૂરતી સંખ્યા છે? સીમાંકન બિલ અને તેની સાથે જોડાયેલું મહિલા અનામત બિલ બંધારણીય સુધારા વિધેયક છે, જેને પસાર કરવા માટે ગૃહમાં બે તૃતીયાંશ બહુમતી જરૂરી છે.
અગાઉ અને અત્યારની સ્થિતિમાં શું છે તફાવત?
અગાઉ જ્યારે સરકારે આ બિલ પસાર કરાવવાનો પ્રયાસ કર્યો હતો, ત્યારે તેને સફળતા મળી નહોતી. ડીએમકે પાસે હવે બે વિકલ્પ છે. પહેલો વિકલ્પ સરકારને સીમાંકન બિલ પર સમર્થન આપવાનો છે. જોકે ડીએમકેના કેટલાક સાંસદોનું કહેવું છે કે જો સરકારને સમર્થન જ આપવાનું હોય તો પછી સરકારમાં સામેલ થઈને મંત્રી કેમ ન બની જવું? આ જૂથનું માનવું છે કે સરકાર તરફથી તેમને ખાતરી મળવી જોઈએ કે તામિલનાડુની લોકસભા બેઠકોમાં ઘટાડો નહીં થાય અને રાજ્યની બેઠકોનું પ્રમાણ પણ ઉત્તર ભારતનાં રાજ્યોની જેમ વધવું જોઈએ. જોકે ડીએમકેનું બીજું જૂથ સીમાંકનને મુદ્દે સરકારનો વિરોધ કરવા માગે છે.
ડીએમકે માટે હા કે ના કહેવાની સ્થિતિ
બીજી તરફ ડીએમકેના નેતા સ્ટાલિન SIR અને મુખ્ય ચૂંટણી કમિશનર જ્ઞાનેશ કુમારને મુદ્દે વિપક્ષની સાથે ઊભેલા જોવા મળે છે. ડીએમકે અત્યારે હા કે ના કહેવાની દ્વિધામાં છે અને સરકાર પર થોડું દબાણ જાળવી રાખવા માગે છે. જો સીમાંકનને મુદ્દે ડીએમકે અને ભાજપ વચ્ચે કોઈ સમજૂતી થઈ જાય, તો તે ભારતીય રાજકારણમાં એક સીમાચિહ્નરૂપ ઘટના સાબિત થઈ શકે છે. કારણ કે, તેના દ્વારા ભાજપને તામિલનાડુના રાજકારણમાં પગ જમાવવાની તક મળી શકે છે, જેનો તે લાંબા સમયથી પ્રયાસ કરી રહ્યો છે.
Reports coming DMK joining hands with BJP at centre. Recently a sitting minister resigned & gave up his Rajya Sabha seat which is offered to DMK as well to push DMK in BJP’s goal to go for Delimitation.
If DMK supports the Delimitation Bill, then everything they have stood so far would be considered fake. I hope not they take that step which would give them a huge dent in Tamil Nadu electorally.
— Namra Patel 🇮🇳 (@NamraPatel__) October 15, 2026
હજુ સુધી ચોમાસુ સત્રનું સત્રાવસાન થયું નથી
સંસદનું ચોમાસુ સત્ર 13 ઑગસ્ટે પૂરું થઈ ગયું હતું, પરંતુ સરકારે હજી સુધી આ સત્રનું સત્રાવસાન કર્યું નથી. તેનું કારણ એ છે કે નિયમો મુજબ ટૂંકી નોટિસ પર પણ સંસદનું સત્ર બોલાવી શકાય.
