અમદાવાદ: દિલ્હી પબ્લિક સ્કૂલ, પૂર્વ અમદાવાદ દ્વારા કાંકરિયા વ્યાયામ શાળા ખાતે આંતરરાષ્ટ્રીય યોગ દિવસની ઉજવણી કરવામાં આવી. નગરપાલિકાના કાઉન્સિલર ઇલાક્ષીબેન શાહ અતિથિ વિશેષ તરીકે ઉપસ્થિત રહ્યાં હતા. યોગ ટ્રેનર યજ્ઞેશ પરમારના માર્ગદર્શન હેઠળ વિદ્યાર્થીઓ, વાલીઓ અને શિક્ષકોએ વિવિધ આસનો કર્યા હતા.
વોર્મ અપ એક્સરસાઇઝથી શરૂ કરીને બેસીને અને ઉભા રહીને વિવિધ આસનો કરવામાં આવ્યા. સાથે જ સહભાગીઓને યોગનું મહત્વ પણ સમજાવવામાં આવ્યું હતું.
કાર્યક્રમના અંતમાં કેટલીક શ્વસનક્રિયાને લગતી તકનિકો બતાવી અને તમામને માનસિક અને શારીરિક સ્વાસ્થ્ય જાળવવા માટે નિયમિત યોગાસન કરવા માટે પ્રોત્સાહિત કરવામાં આવ્યા હતા. દરેક વ્યક્તિએ ખૂબ જ મહેનત અને ઉત્સાહ સાથે યોગ કર્યા હતા.
