એસીવાળી ટીશર્ટ તમને રાખશે કૂલ, સાથે જ રહી શકે તેવું પર્સનલ મિની AC

નવી દિલ્હીઃ ઉડવાવાળી કારથી લઈને માણસની સુરક્ષા કરનારા રોબોટ બાદ હવે વૈજ્ઞાનિકોએ એક એવું ડિવાઈઝ તૈયાર કરી લીધું છે કે જે તમને ગરમીમાં પણ ઠંડક આપવાનું કામ કરશે. ડિઝાઈનર્સ આ ડિવાઇસને મિની એસી ગણાવી રહ્યાં છે ગરમીમાં પણ શરીરના તાપમાનને સંતુલિત રાખવામાં મદદ કરશે. આ તસવીરને ધ્યાનથી જૂઓ, ટચૂકડું એસી ભારે ગરમીમાં અનોખી રાહત પહોંચાડશે

આ મીની એરકન્ડિશનર લિથિયમ બેટરી પર કામ કરે છે. સ્માર્ટફોનની જેવા દેખાતા આ ડિવાઈઝની સાથે એક ટી-શર્ટ પણ લોન્ચ કરવામાં આવી છે, જેમાં ગળાની પાછળ એક પોકેટ આપવામાં આવ્યું છે. પોકેટમાં આ ડિવાઈઝને રાખ્યા બાદ આપ આરામથી બહાર જઈ શકો છો.

આ ડિવાઈઝને બ્લૂટૂથ દ્વારા સ્માર્ટફોનથી કનેક્ટ કરવામાં આવે છે. ફોનમાં એક એપ્લીકેશન દ્વારા તમે આને ઓપરેટ કરી શકો છો. પુરુષો માટે ખાસકરીને ડિઝાઈન કરવામાં આવેલા આ એસીની કીંમત આશરે 8,992 રુપિયા છે અને આમાં આપને લગભગ તમામ સાઈઝ સરળતાથી મળી જશે.

એસીની બેટરી બે કલાકમાં ચાર્જ થઈ જાય છે અને આશરે 3 કલાકનું પાવર બેકઅપ આપે છે. રિપોર્ટ્સ અનુસાર, આ ટેક્નોલોજીને કારમાં પહેલાથી જ ઉપયોગમાં લેવામાં આવે છે. ત્યાંથી જ કંપનીને આ હરતા-ફરતા એસીને બનાવવાનો આઈડિયા આવ્યો હતો.

સામાન્ય રીતે લોકો ઘરમાં એસી લગાવતાં એટલા માટે ડરે છે, કારણ કે તેમને લાગે છે કે આનાથી વીજળીનું બિલ ખૂબ વધારે આવશે. પરંતુ આ ડિવાઈઝને ચાર્જ કરવામાં આપને બહુ વધારે ખર્ચ નહી કરવો પડે અને એસીની મઝા પણ લઈ શકશો. આપને જણાવી દઈએ કે આ ટી-શર્ટ અત્યારે માત્ર જાપાનમાં જ ઉપ્લબ્ધ છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]