મુંબઈઃ BSE સ્ટાર MF પ્લેટફોર્મ પર માર્ચમાં 2.67 કરોડ ટ્રાન્ઝેક્શન્સ થયા છે, જે એક રેકોર્ડ છે. નાણાકીય વર્ષ 2023ને અંતે આ પ્લેટફોર્મ પર આગલા વર્ષની તુલનાએ 43 ટકાના વધારા સાથે રૂ. 4.35 લાખ કરોડના ટ્રાન્ઝેક્શન્સ થયા છે. વર્ષમાં 26.45 કરોડ ટ્રાન્ઝેકશન્સ થયા છે.
ત્રિમાસિક ધોરણે નાણાકીય વર્ષ 2023ના ચોથા ત્રિમાસિક ગાળાના અંતે ટ્રાન્ઝેક્શન્સ રૂ. 5.65 કરોડથી 37 ટકા વધીને રૂ. 7.73 કરોડ થયા છે, જ્યારે માર્ચમાં ગયા વર્ષના માર્ચની તુલનાએ ટ્રાન્ઝેક્શન્સનું મૂલ્ય 36 ટકા વધીને રૂ. 2.67 કરોડ થયું છે. માર્ચને અંતે સ્ટાર MFની SIPની સક્રિય બુક સાઇઝ 1.96 કરોડ રહી છે.
