સાઉથ એક્ટર મોહન બાબુ આ દિવસોમાં પોતાના ઘરેલુ વિવાદને લઈને ચર્ચામાં છે. મોહન બાબુ અને તેમના પુત્ર મંચુ મનોજ વચ્ચેનો વિવાદ 9 ડિસેમ્બરે ચર્ચામાં આવ્યો જ્યારે અભિનેતાએ તેમના પુત્ર મંચુ મનોજ અને તેમની પત્ની વિરુદ્ધ તેમને ધમકી આપવા અને તેમના જલાપલ્લી ઘરને બળજબરીથી કબજે કરવાની યોજના માટે પોલીસ ફરિયાદ નોંધાવી. આ દરમિયાન અભિનેતાએ ગયા મંગળવારે તેના હૈદરાબાદના ઘરે એક મીડિયા પર્સન પર હુમલો કર્યો અને મીડિયા પર્સન સાથે પણ ખરાબ વર્તન કર્યું. આ ઘટના બાદ મોહન બાબુ વિરુદ્ધ કેસ નોંધવામાં આવ્યો છે. પત્રકાર પર હુમલા બાદ હવે મોહન બાબુએ આ મામલે ખુલાસો કર્યો છે.
મોહન બાબુએ માફી માંગી
પોતાની ભૂલ સ્વીકારીને મોહન બાબુએ માફી માંગી છે, જેમાં તેમણે પત્રકારની માફી માંગી છે અને સ્પષ્ટતા પણ કરી છે. તેમણે આ ઘટનાને દુર્ભાગ્યપૂર્ણ ગણાવીને ખેદ વ્યક્ત કર્યો હતો.સોશિયલ મીડિયા પ્લેટફોર્મ X પર જારી કરવામાં આવેલી તેમની માફીમાં, મોહન બાબુએ લખ્યું-‘હું ઉલ્લેખ કરવા માંગુ છું કે સ્વાસ્થ્યના કારણોસર, હું છેલ્લા 48 કલાકથી હોસ્પિટલમાં દાખલ હતો અને તરત જ જવાબ આપી શક્યો ન હતો. હું તમારી ધીરજની પ્રશંસા કરું છું અને માફી માંગુ છું.’
— Mohan Babu M (@themohanbabu) December 13, 2024
મોહન બાબુએ પત્રકારની માફી માંગી
‘મારો ગેટ તૂટી જતાં હું ગુસ્સે થઈ ગયો હતો અને અસામાજિક તત્વો સહિત 30-50 જેટલા લોકો હાજર લોકોને નુકસાન પહોંચાડવાના ઈરાદે બળજબરીથી મારા ઘરમાં ઘૂસ્યા હતા. અંધાધૂંધી વચ્ચે મીડિયા અજાણતા જ પરિસ્થિતિમાં સામેલ થઈ ગયું. જ્યારે મેં પરિસ્થિતિને હેન્ડલ કરવાનો પ્રયાસ કર્યો ત્યારે તમારા પત્રકારોમાંથી એક કમનસીબે ઘાયલ થયો, આ અત્યંત ખેદજનક પરિણામ હતું અને હું તેમને થયેલી પીડા અને અસુવિધા બદલ દિલગીર છું. મારી આ ભૂલ માટે હું માફી માંગુ છું,’ એવું મોહન બાબુએ કહ્યું.
પત્રકારે FIR નોંધાવી
35 વર્ષીય પત્રકારે પોલીસ ફરિયાદ નોંધાવ્યાના એક દિવસ બાદ મોહન બાબુએ આ માફી માંગી છે. તમને જણાવી દઈએ કે, પત્રકાર પર હુમલો કરવા બદલ અભિનેતા વિરુદ્ધ BNS (ઈરાદાપૂર્વક ખતરનાક હથિયાર અથવા પદાર્થનો ઉપયોગ કરીને ઈજા પહોંચાડવી)ની કલમ 118 (1) હેઠળ કેસ નોંધવામાં આવ્યો છે.
