અમેરિકાના દંતકથાસમાન બાસ્કેટબોલ ખેલાડી અને NBA ચેમ્પિયનશિપના પાંચ વખત વિજેતા કોબી બ્રાયન્ટ (41)નું 26 જાન્યુઆરી, રવિવારે દક્ષિણ કેલિફોર્નિયાના કેલાબેસાસ વિસ્તારમાં એક હેલિકોપ્ટર દુર્ઘટનામાં મૃત્યુ થયું હતું. દુર્ઘટનામાં એમની સાથે એમની 13 વર્ષીય પુત્રી જિયાના તથા અન્ય સાત વ્યક્તિનાં પણ કરૂણ મોત નિપજ્યાં હતાં. આ સમાચારને પગલે સમગ્ર અમેરિકામાં તેમજ દુનિયાભરમાં ખેલજગતમાં શોકની લાગણી પ્રસરી ગઈ છે. (પિતા-પુત્રીની ફાઈલ તસવીર)
