મુંબઈમાં કોરોના-યોદ્ધાઓને કરાયા સ્માર્ટ હેલ્મેટથી સજ્જ…

મુંબઈમાં આરોગ્ય વિભાગ દ્વારા સ્વાસ્થ્યકર્મીઓને આધુનિક અને ખાસ પ્રકારની સ્માર્ટ હેલ્મેટથી સજ્જ કરવામાં આવ્યા છે. 11 જુલાઈ, શનિવારે આ સ્માર્ટ હેલ્મેટ પહેરીને કોરોના-યોદ્ધાઓ મલાડ ઉપનગરના વિસ્તારમાં કામગીરી બજાવી રહ્યા હતા. આ હેલ્મેટ એ રીતે અનોખા પ્રકારની છે કે તેની અંદર એક ખાસ કેમેરા અને થર્મલ સ્કેનર બેસાડવામાં આવ્યા હોય છે જે 7 મીટરના પરિઘમાં પણ વ્યક્તિમાં કોરોના વાઈરસ છે કે નહીં એનો પતો લગાવે છે. આ સ્માર્ટ હેલ્મેટ વ્યક્તિના આખા શરીરને સ્કેન કરે છે. આ સ્માર્ટ હેલ્મેટનો ઉપયોગ વિદેશમાં પણ થઈ રહ્યો છે. ઈટાલી અને ચીનના એન્જિનીયરો-વૈજ્ઞાનિકોએ સાથે મળીને આ હેલ્મેટ્સ બનાવી છે. (તસવીરોઃ દીપક ધુરી)