1994માં રિલીઝ થયેલી અને સુપરહિટ નિવડેલી હિન્દી ફિલ્મ 'હમ આપકે હૈં કૌન'ને 25 વર્ષ પૂરાં થયાં એની ઉજવણી નિમિત્તે ફિલ્મનાં નિર્માતા સુરજ બડજાત્યાએ 9 ઓગસ્ટ, શુક્રવારે મુંબઈમાં લિબર્ટી સિનેમા ખાતે ભવ્ય પાર્ટીનું આયોજન કર્યું હતું. એમાં ફિલ્મનાં મુખ્ય કલાકારો - સલમાન ખાન અને માધુરી દીક્ષિત તેમજ મોહનીશ બહલ, રેણુકા શહાણે અને એનાં પતિ આશુતોષ રાણા, સતિષ શાહ તથા અન્ય કલાકારોએ હાજરી આપી હતી. સલમાન અને માધુરીએ સ્ટેજ પર ઠુમકા લગાવીને એ ફિલ્મનાં 'પહલા પહલા પ્યાર હૈ' ગીતની યાદને ફરી તાજી કરી હતી. એ દિવસે આ ફિલ્મનો સ્પેશિયલ શો પણ રજૂ કરવામાં આવ્યો હતો.
