ગર્ભવતી અનુષ્કાએ બ્રાન્ડની જાહેરખબરનું શૂટિંગ કર્યું…

ક્રિકેટ કેપ્ટન વિરાટ કોહલીની પત્ની અને બોલીવૂડ અભિનેત્રી અનુષ્કા શર્મા ગર્ભાવસ્થાના અત્યંત પ્રગતિશીલ તબક્કામાં છે. તે હાલમાં જ મુંબઈ પાછી ફરી હતી અને અમુક કમર્શિયલ બ્રાન્ડ સાથે કરેલા કરાર અનુસાર એણે તેની જાહેરખબરના શૂટિંગમાં ભાગ લીધો હતો. તે મુંબઈમાં અનેક સ્ટુડિયોમાં સાત દિવસ માટે શૂટિંગ કરવાની છે. 21 નવેમ્બર, શનિવારની પોતાની તે પ્રવૃત્તિની અમુક તસવીરો એણે પોતાનાં સોશિયલ મિડિયા પર શેર કરી છે. તે અત્યંત તંદુરસ્ત અને આનંદી દેખાય છે. સેટ ઉપર પણ તે આનંદથી વાતો કરતી હતી એવું નિકટનાં સૂત્રોએ કહ્યું છે. અનુષ્કાને આવતા જાન્યુઆરીમાં બાળક અવતરે એવી ધારણા છે. તે અને વિરાટ આઈપીએલ સ્પર્ધા માટે દુબઈમાં હતાં. અનુષ્કા મુંબઈ પાછી ફરી છે જ્યારે કોહલી ઓસ્ટ્રેલિયા ગયો છે. ત્યાં વન-ડે અને ટ્વેન્ટી-20 ઈન્ટરનેશનલ મેચોની સિરીઝ તથા પહેલી ટેસ્ટ મેચ રમ્યા બાદ એ પિતૃત્ત્વ રજા (પેટરનિટી લીવ) પર મુંબઈ પાછો ફરશે.

શૂટિંગ માટે ગર્ભવતી અનુષ્કા માટે સુરક્ષાને લગતા તમામ બંદોબસ્ત કરવાની નિર્માતાઓએ ખાતરી આપી છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]