દિવા હેઠળ અંધારું |
પહેલા કોડિયું, ફાનસ કે એ પ્રકારના દીવા વપરાતા જેનું મોં ઉપર તરફ હોય. આ કારણથી દીવાનું અજવાળું આજુબાજુ તો ફેલાય પણ એના નીચે તો અંધારું જ હોય.
આ વાતને જોડીને કોઈ સક્ષમ અથવા તેજસ્વી વ્યક્તિ હોય જે પેલા દીપકની માફક પ્રકાશતો હોય પણ એના નીચે એટલે કે એના વંશમાં પેદા થયેલા બાળકો એટલા સક્ષમ ના હોય અને ક્યારેક તો મૂરખ પણ હોય ત્યારે આ કહેવત વપરાય છે. જોકે આજે વીજળીના દીવાના યુગમાં જીવીએ છીએ એટલે એ દીવાની નીચે અંધારું હોતું નથી.
(ડો. જયનારાયણ વ્યાસ ગુજરાતના જાહેરજીવનનું એક ટોચનું નામ છે. ગુજરાત સરકારમાં કેબિનેટ મંત્રી તરીકે અનેક મહત્વની જવાબદારી સંભાળી ચૂકેલા જયનારાયણભાઇ નિષ્ણાત અર્થશાસ્ત્રી, ટેકનોક્રેટ અને કુશળ વક્તા હોવાની સાથે લોકપ્રિય લેખક પણ છે. ટેલિવિઝન એન્કર તરીકે પણ અર્થપૂર્ણ ચર્ચા યોજે છે. અહીં એ બાળપણમાં મા ના મુખેથી સાંભળેલી જાણીતી કહેવતોનો આસ્વાદ કરાવે છે.)
