ઓછા સમયમાં તૈયાર થશે ચણાના લોટની બરફી…

0
1393

સામગ્રીમાં 1 કપ ચણાનો લોટ, 2 ટે.સ્પૂન રવો, ¼ કપ દેશી ઘી, ½ કપ સાકર, ¼ કપ પાણી, ¼ ચમચી એલચી પાઉડર, 2  ટે.સ્પૂન કાજૂ-બદામ (સ્લાઈસ કરેલા).

સૌ પ્રથમ કડાઈમાં ઘી ગરમ કરી ચણાનો લોટ તેમજ રવો ગુલાબી રંગનો થાય અને સુગંધ આવવા માંડે ત્યાં સુધી શેકો ત્યારબાદ ગેસ પરથી ઉતારી લો.

હવે ગેસ ઉપર બીજું પૅન લઈ એમાં સાકર તથા પાણી લઈ એક તારની ચાસણી થાય ત્યાં સુધી ગરમ કરી નીચે ઉતારી લો અને લોટના મિશ્રણમાં મિક્સ કરી દો સાથે એલચી પાઉડર પણ ઉમેરો. મિશ્રણ મિક્સ થયા બાદ તુરંત ઘી ચોપડેલી થાળીમાં પાથરી દો અને ઉપર સ્લાઈસ કરેલો સૂકો મેવો ભભરાવી દો. અડધા કલાક બાદ બરફીના ચોસલા પાડી દો. બરફી તૈયાર છે!!!