કબીરવાણી: આંખોની ઓરડીમાં ઉજાગર થયેલું દિવ્ય મિલન
|
નૈનો કી કરી કોઠરી, પુતલી પલંગ બિછાય પલકોં કી ચિક ડારી કૈ, પિય કો લિયા રીઝાય. |
સુહાગ રાત જેવો માહોલ રચી આપતી કબીરજીની સાખી તેમની કાવ્યશક્તિના શિખર સમાન છે. પ્રતીકો અને 
ઉપમાઓ દ્વારા તત્ત્વજ્ઞાનના ગૂઢ અર્થોને પ્રકાશમાં લાવવાનું કાર્ય કબીરજી અદ્ભુત રીતે કરે છે. આ પ્રકારની સાખીના શબ્દાર્થ સાથે તેનો તાર તો અગમ-નિગમના ભેદ સાથે છે.
પ્રિયતમરૂપી પ્રભુને પામવા માટે, પ્રસન્ન કરવા માટે નયનોની ઓરડી કરી છે. આ આંખો સમગ્ર બ્રહ્માંડમાં એક તત્ત્વનો અનુભવ કરે છે.
આ સાથે નયનોમાં રહેલી કીકી પલંગ બિછાવે છે. મનની સ્થિતિ આરામદાયક, શાંત અને સ્થિર બને છે. નેણોને નીચા કરીને અર્થાત્ બાહ્યા પદાર્થથી ઓજલ થઈને જ્યારે મન અદ્વૈતમાં સ્થિર થાય છે તે પ્રભુદર્શન છે. આ સાખી સાથે શ્રી લાભશંકર રાવલ ‘શાયર’ની આ લીટીઓનું સ્મરણ થાય છે.
“આજ આટલું તું હવે પાકું કર સતજ્ઞાન,
નથી કોઈને ભીખમાં ક્યાંય મળ્યો ભગવાન.”
સાધુ-બાવાનાં વચનોથી જ પ્રભુપ્રાપ્તિ થતી હોત કે મોક્ષ મળતો હોત તો ? મોક્ષનો ટૂંકો રસ્તો શોધવાની લાલચ માર્ગ ભૂલવાડી દે છે.
(લેખક પ્રવીણ કે. લહેરી નિવૃત્ત સનદી અધિકારી છે. ગુજરાત રાજ્યના મુખ્ય સચિવ સહિત અનેક હોદ્દાઓ પર કામ કરી ચૂકયા છે. વહીવટી અને સમાજજીવનનો બહોળો અનુભવ ધરાવે છે. હાલમાં શ્રી સોમનાથ ટ્રસ્ટ અને સદવિચાર પરિવાર સાથે જોડાયેલા છે. સમાજજીવનના વિવિધ પ્રવાહો પર એ નિયમિત લખતા રહે છે.)
સરદાર સરોવર ડેમ ૧૩૮.૬૮ મીટરની પૂર્ણ સપાટીએ છલકાયો
ગાંધીનગર: ગુજરાતમાં જળક્રાંતિ અને કૃષિક્રાંતિની લાઈફ લાઈન એવી નર્મદા યોજનાના સરદાર સરોવર ડેમની જળ સપાટી તેની મહત્તમ ૧૩૮.૬૮ મીટર એટલે કે, ૪૫૫ ફૂટે પહોંચી છે. મુખ્યમંત્રી ભૂપેન્દ્ર પટેલે આપ્રસંગે લોકમાતા નર્મદાના પાવન જળની આરાધના સરદાર સરોવર ડેમ સાઈટ એકતા નગર પહોંચીને જળપૂજન અને વધામણાંથી કરી હતી. મુખ્યમંત્રીની સાથે ભરૂચના સાંસદ મનસુખભાઇ વસાવા, છોટા ઉદેપુરના સાંસદ જશુભાઈ રાઠવા, ધારાસભ્ય દર્શનાબેન દેશમુખ સહિત સંગઠનના પદાધિકારીઓ તેમજ જિલ્લાના વરિષ્ઠ અધિકારીઓ જોડાયા હતા.
મુખ્યમંત્રીએ ૧૦,૪૫૩ ગામો, ૧૯૦ શહેરો તથા ૦૭ મહાનગર પાલિકાઓને એમ કુલ મળીને ગુજરાતની આશરે ૪ કરોડથી વધુ પ્રજાને પીવાનું પાણી પુરું પાડતા આ સરદાર સરોવર નર્મદા ડેમ પ્રોજેક્ટનું જળાશય પૂર્ણ સપાટીએ છલકાતાં જળ રાશિનું ઉમંગ અને ઉલ્લાસમય વાતાવરણમાં વૈદિક મંત્રોચ્ચાર વચ્ચે પૂજન કર્યુ હતું.
નર્મદા ડેમ અત્યાર સુધીમાં કુલ ૦૬ વખત – વર્ષ ૨૦૧૯, ૨૦૨૦, ૨૦૨૨, ૨૦૨૩, ૨૦૨૪ અને ૨૦૨૫માં તેની મહત્તમ સપાટીએ ભરાયો છે. નર્મદા ડેમની ૧૩૮.૬૮ મીટર (૪૫૫ ફુટ) સપાટીએ કુલ જળ સંગ્રહ ક્ષમતા ૯,૪૬૦ મિલીયન ઘન મીટર છે.
IIMA ખાતે હિન્દી પખવાડિયાની ઉજવણી
અમદાવાદ: IIMA દ્વારા ૧૬ થી ૩૦ સપ્ટેમ્બર, ૨૦૨૫ દરમિયાન હિન્દી પખવાડિયાની ઉજવણી કરવામાં આવી. સંસ્થાએ હિન્દી કવિતા પઠન, હિન્દી ઓનલાઇન સામાન્ય જ્ઞાન, હિન્દી શબ્દભંડોળ સ્પર્ધા, હિન્દી નિબંધ લેખન અને હિન્દી સુલેખન જેવી સ્પર્ધાઓનું આયોજન કર્યું હતું. આ સ્પર્ધાનો ઉદ્દેશ્ય હિન્દીને સત્તાવાર ભાષા તરીકે પ્રોત્સાહન આપવાનો અને તેના ઉપયોગને પ્રોત્સાહન આપવાનો હતો.
આ ઉજવણીની શરૂઆત સ્વ-રચિત કવિતાઓના વાંચનથી થઈ હતી, જેમાં IIMA સમુદાયના સભ્યોએ ઉત્સાહપૂર્વક હાજરી આપી હતી. ઉજવણીના ભાગ રૂપે, ૨૯ સપ્ટેમ્બર, ૨૦૨૫ના રોજ સંસ્થાના વિક્રમ સારાભાઈ પુસ્તકાલયમાં હિન્દી પુસ્તકોનું પ્રદર્શન પણ યોજવામાં આવ્યું હતું, જેનો ઉદ્દેશ્ય હિન્દી સાહિત્યમાં વાચકોનો રસ વધારવાનો હતો.
ગૃહ મંત્રાલયની માર્ગદર્શિકા અનુસાર, વિવિધ સ્પર્ધાઓના વિજેતાઓને કર્નલ (ડૉ.) જગદીશ સી. જોશી (નિવૃત્ત), CAO, IIMA દ્વારા રોકડ પુરસ્કારો અને પ્રમાણપત્રો એનાયત કરવામાં આવ્યા હતા.
દીપિકા પાંદુકોણની 8 કલાક શિફ્ટની માંગ પર રાની મુખર્જીએ આપી પ્રતિક્રિયા
દીપિકા પાદુકોણ 8 કલાકની શિફ્ટની માંગણીને કારણે સમાચારમાં છે. હવે, રાની મુખર્જીએ પણ આ મુદ્દા પર ભાર મૂક્યો છે અને ખુલાસો કર્યો છે કે તે પણ એક સમયે 6-7 કલાકની શિફ્ટમાં કામ કરતી હતી.
દીપિકા પાદુકોણની 8 કલાકની શિફ્ટની માંગણીની વ્યાપક ચર્ચા થઈ રહી છે. આ કારણે અભિનેત્રી પહેલાથી જ બે મોટી ફિલ્મો ગુમાવી ચૂકી છે. તાજેતરમાં, ઘણા સ્ટાર્સ દીપિકાની માંગ પર પ્રતિક્રિયા આપતા જોવા મળ્યા છે. અહેવાલો અનુસાર માતા બન્યા પછી, દીપિકા પાદુકોણે તેના કામ અને અંગત જીવનને સંતુલિત કરવા માટે 8 કલાકની શિફ્ટ નક્કી કરી છે. આનો અર્થ એ થયો કે તે હવે ફક્ત 8 કલાક માટે જ શૂટિંગ કરશે અને આ મુદ્દા પર અનેક લોકોએ પ્રતિક્રિયા આપી રહ્યા છે. રાની મુખર્જીએ પણ દીપિકાની માંગ પર પ્રતિક્રિયા આપી છે અને અભિનેત્રીને ખુલ્લેઆમ ટેકો આપ્યો છે.
દીપિકાની 8 કલાકની શિફ્ટ પર રાની મુખર્જીની પ્રતિક્રિયા
દીપિકાની આઠ કલાકની શિફ્ટની માંગ પર ચાલી રહેલી ચર્ચા વચ્ચે રાની મુખર્જીએ કામ અને માતૃત્વને સંતુલિત કરવાની તેમની સફર વિશે ચર્ચા કરી છે. ગુલામ, મર્દાની અને નો વન કિલ્ડ જેસિકા જેવી ફિલ્મોમાં તેમના શક્તિશાળી અભિનય માટે જાણીતી, રાની મુખર્જીએ “હિચકી” ના શૂટિંગના દિવસોને યાદ કર્યા જ્યારે તેમની પુત્રી આદિરા માત્ર 14 મહિનાની હતી. ANI સાથે વાત કરતા, રાનીએ કહ્યું, “જ્યારે મેં હિચકી કરી હતી, ત્યારે આદિરા 14 મહિનાની હતી અને હું હજુ પણ તેને સ્તનપાન કરાવતી હતી. તેથી, મારે સવારે મિલ્ક પંપ કરીને શૂટિંગ પર જવું પડતું હતું. હું શહેરની એક કોલેજમાં શૂટિંગ કરી રહી હતી.”
મેં 6-7 કલાકની શિફ્ટમાં પણ કામ કર્યું છે – રાની મુખર્જી
રાની મુખર્જીએ વધુમાં કહ્યું કે તેણીએ તેની પુત્રીની જરૂરિયાતોને ધ્યાનમાં રાખીને તેના શેડ્યૂલનું આયોજન કેવી રીતે કર્યું. તેણીએ કહ્યું, “જુહુ સ્થિત મારા ઘરેથી શૂટિંગ સ્થળ સુધી પહોંચવામાં મને 2 કલાક લાગ્યા. ટ્રાફિક પણ ભારે હોય છે, તેથી સવારે મિલ્ક પંપ કર્યા બાદ, હું 6:30 વાગ્યે નીકળી જતી અને શૂટિંગ શરૂ કરતી. મારો પહેલો શોટ 8:00 વાગ્યે આવતો, અને હું 12:30 થી 1:00 વાગ્યાની વચ્ચે બધું પૂરું કરતી. મારા દિગ્દર્શક અને ટીમે એટલી સારી રીતે આયોજન કર્યું હતું કે હું તે 6-7 કલાકમાં શૂટિંગ પૂર્ણ કરી લેતી અને શહેરનો ટ્રાફિક વધે તે પહેલાં 3:00 વાગ્યે ઘરે પહોંચી જતી. આ રીતે મેં ફિલ્મનું શૂટિંગ પૂર્ણ કર્યું.
સમયની સુગમતા વિશે વાત કરતાં રાનીએ કહ્યું, “આજકાલ આ બાબતોની ચર્ચા થઈ રહી છે કારણ કે તેની ચર્ચા બહાર પણ થઈ શકે છે, પરંતુ આ બધા વ્યવસાયોમાં સામાન્ય છે. મેં કેટલીક ફિલ્મોમાં કામ કર્યું છે જેમાં મેં ચોક્કસ સમય માટે કામ કર્યું છે. જો નિર્માતાને તેમાં કોઈ સમસ્યા ન હોય, તો તમે ફિલ્મ પર કામ કરવાનું ચાલુ રાખી શકો છો, અને જો નિર્માતાને કોઈ સમસ્યા હોય, તો તમે ફિલ્મ છોડી શકો છો. તેથી, તે એક પસંદગી છે. કોઈ પણ કોઈના પર કંઈપણ દબાણ કરી શકે નહીં.”
RSSએ દેશને વહેંચ્યો, અંગ્રેજોને મદદ કરીઃ કોંગ્રેસનો સંઘ પર મોટો હુમલો
નવી દિલ્હીઃ વડા પ્રધાન નરેન્દ્ર મોદીએ રાષ્ટ્રીય સ્વયંસેવક સંઘ (આરએસએસ) વિશે એવો દાવો કર્યો હતો કે તેના નેતાઓ આઝાદીની લડત દરમિયાન જેલમાં ગયા હતા, ત્યારે કોંગ્રેસે તેને ખોટો દાવો ઠેરવ્યો હતો. કોંગ્રેસે કહ્યું છે કે ભારત છોડો આંદોલન દરમિયાન RSSના નેતાઓએ અંગ્રેજોને મદદ કરી હતી.
કોંગ્રેસે બુધવારે સત્તવાર X હેન્ડલ પર કહ્યું હતું કે 1942માં અંગ્રેજો સામે શરૂ થયેલા ‘ભારત છોડો આંદોલન’માં જ્યારે આખો દેશ જેલ જઈ રહ્યો હતો, ત્યારે RSS આ આંદોલનને દબાવવા અંગ્રેજોને મદદ કરી રહ્યો હતો.
કોંગ્રેસનું કહેવું છે કે RSS માટે તે સમયનો એક નારો ખૂબ પ્રચલિત હતો—જે દેશભક્ત હતા તેઓ જંગમાં ગયા, જે ગદ્દાર હતા તેઓ સંઘમાં ગયા. કોંગ્રેસે એ પણ કહ્યું છે કે RSS એવું સંગઠન છે જેના એક પણ નેતા આઝાદીની લડત દરમિયાન જેલમાં ગયા ન હતા અને આ સંગઠન મહાત્મા ગાંધી, ભગત સિંહ અને ચંદ્રશેખર આઝાદ જેવા દેશભક્તો અને ક્રાંતિકારીઓને અરાજક કહીને બ્રિટિશ શાસનના પક્ષમાં કામ કરતું હતું.
RSS देश को बांटने वाला संगठन: आजादी के वक्त जिसके नेता न जेल गए, न अंग्रेजों ने लगाया कभी प्रतिबंध
1942 में अंग्रेजों के खिलाफ शुरू हुए ‘भारत छोड़ो आंदोलन’ में जब पूरा देश जेल जा रहा था, तब RSS इस आंदोलन को दबाने में अंग्रेजों की मदद कर रहा था।
RSS की इस गद्दारी पर एक नारा…
— Congress (@INCIndia) October 1, 2025
કોંગ્રેસના જણાવ્યા મુજબ RSSએ 100 વર્ષમાં એક પણ એવું કામ નથી કર્યું, જેનાથી દેશને કોઈ રીતે ફાયદો થયો હોય. લોકસભામાં વિરોધ પક્ષના નેતા રાહુલ ગાંધી અને કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે ઘણી વખત RSS પર હુમલો કરી ચૂક્યા છે.
આ પહેલાં વડા પ્રધાન નરેન્દ્ર મોદીએ જણાવ્યું કે આરએસએસની 100 વર્ષની ગૌરવશાળી યાત્રા ત્યાગ, નિસ્વાર્થી સેવા, રાષ્ટ્ર નિર્માણ અને અનુશાસનનું એક અદભૂત ઉદાહરણ છે. તેમણે કહ્યું કે અમારા સ્વયંસેવકો એ સદ્દભાગ્યે એ પેઢીના છે જેમને આરએસએસના શતાબ્દી વર્ષની સાક્ષી બનવાની તક મળી છે.
આ બૉલિવૂડ અભિનેતા અબજોપતિઓની યાદીમાં મોખરે, ટોમ ક્રૂઝને પાછળ છોડ્યા
શાહરૂખ ખાન એક સમયે ભારતના સૌથી ધનિક અભિનેતાઓમાંના એક તરીકે જાણીતા હતા, પરંતુ હવે તેઓ વિશ્વભરના સૌથી ધનિક અભિનેતાઓમાં સામેલ થઈ ગયા છે.
શાહરૂખ ખાન અબજોપતિ બની ગયો છે. તેણે ફિલ્મ ઉદ્યોગમાં 33 વર્ષ વિતાવ્યા છે. સુપરસ્ટારની કુલ સંપત્તિ હવે $1.4 બિલિયન (₹12,490 કરોડ) છે. આ આંકડો 1 ઓક્ટોબરના રોજ હુરુન ઈન્ડિયા રિચ લિસ્ટ 2025 દ્વારા જાહેર કરવામાં આવ્યો હતો. શાહરૂખ ખાન અગાઉ ભારતના સૌથી ધનિક અભિનેતાઓમાંના એક તરીકે જાણીતા હતા. હવે, તે વૈશ્વિક સ્તરે સૌથી ધનિક અભિનેતાઓની હરોળમાં જોડાઈ ગયો છે.
શાહરૂખ ખાનની સંપત્તિનો ઉલ્લેખ કરતા, યાદીમાં જણાવાયું છે કે, “બોલિવૂડના રાજા, શાહરૂખ ખાન, ₹12,490 કરોડની કુલ સંપત્તિ સાથે પ્રથમ વખત અબજોપતિ ક્લબમાં જોડાયા છે.” શાહરૂખ હવે અનેક આંતરરાષ્ટ્રીય સેલિબ્રિટીઓ કરતાં વધુ ધનવાન છે. કુલ સંપત્તિની દ્રષ્ટિએ, તે ટેલર સ્વિફ્ટ ($1.3 બિલિયન), આર્નોલ્ડ શ્વાર્ઝેનેગર ($1.2 બિલિયન), જેરી સીનફેલ્ડ ($1.2 બિલિયન) અને સેલેના ગોમેઝ ($720 બિલિયન) ને પાછળ છોડી દે છે.
RBIના નિર્ણયોએ સેન્સેક્સ 715 પોઇન્ટ ઊછળ્યો, નિફ્ટી 225 પોઇન્ટ વધ્યો
અમદાવાદઃ સતત આઠ દિવસના ઘટાડા પછી ઘરેલુ શેરબજારોમાં જોરદાર રિકવરી જોવા મળી હતી. RBIની ધિરાણ નીતિમાં રેપો રેટ સ્થિર રાખવા અને આગામી સમયમાં વ્યાજકાપની શક્યતાએ રોકાણકારોને વિશ્વાસ વધાર્યો હતો. જેથી તેમણે જોરદાર લેવાલી કાઢી હતી. શેરબજારોએ RBIની ધિરાણ નીતિને તેજી સાથે વધાવી હતી. જેશી સેન્સેક્સ 717 પોઇન્ટ ઊછળી 80,983 અને નિફ્ટી 225 પોઇન્ટ ઊછળીને 24,836એ બંધ આવ્યો હતો. બેન્કિંગ ઓઠો IT, ડિફેન્સ અને ફાર્મા શેરોમાં ભારે લેવાલી જોવા મળી હતી. મિડકેપ અને સ્મોલકેપ શેરોમાં તેજીનો માહોલ હતો.
RBIએ કેપિટલ માર્કેટમાં લેન્ડિંગનો વ્યાપ વધારવા માટે લોન પર રેગ્યુલેટરી કેપ હટાવતાં બેન્કિંગ શેરોમાં ભારે લેવાલી થઈ હતી. જેથી બેન્ક નિફ્ટી 700 પોઇન્ટ ઊછળ્યો હતો.આ સાથે વૈશ્વિક બજારોમાં આવેલી તેજીની અસર ઘરેલુ શેરબજારો પર પડી હતી. આ સાથે ક્રૂડ ઓઇલમાં ઘટાડો થતાં પણ શેરોમાં તેજીને બળ મળ્યું હતું. રિઝર્વ બેન્કે સતત બીજી વાર રેપો રેટ યથાવત રાખતાં ચાલુ નાણાકીય વર્ષમાં GDP ગ્રોથ દરનો અંદાજ વધારીને 6.8 ટકા કર્યો છે. જેથી રોકાણકારોના વિશ્વાસમાં વધારો થયો હતો.
BSE પર કુલ 4291 શેરોમાં કામકાજ થયાં હતાં. એમાં 2802 શેરો તેજી સાથે બંધ થયા હતા અને 1353 શેરોમાં ઘટાડો થયો હતો. આ સાથે 136 શેરો સપાટ બંધ થયા હતા. આ સિવાય 150 શેરોએ નવી 52 સપ્તાહની ઊંચી સપાટી સર કરી હતી, જ્યારે 120 શેરોએ 52 સપ્તાહના નવા નીચલા સ્તરે સ્પર્શ્યા હતા. આ સાથે 270 શેરોમાં અપર સરકિટ લાગી હતી, જ્યારે 173 શેરોમાં લોઅર સરકિટ લાગી હતી.
દશેરા પહેલા કેન્દ્રીય કર્મચારીઓની દિવાળી
દિવાળી અને દશેરા પહેલા, કેબિનેટે કેન્દ્રીય કર્મચારીઓ માટે મોંઘવારી ભથ્થા (DA વધારો) માં 3% નો વધારો મંજૂર કર્યો છે. બુધવારે, કેબિનેટે કેન્દ્રીય કર્મચારીઓ અને પેન્શનરો માટે મોંઘવારી ભથ્થામાં 3% નો વધારો જાહેર કર્યો. આ સાથે, મોંઘવારી ભથ્થું (DA) હવે 55% થી વધીને 58% થઈ ગયું છે. આ વધારો 1 જુલાઈ, 2025 થી અમલમાં આવશે.
કર્મચારીઓને દિવાળી પહેલા ઓક્ટોબરના પગાર સાથે જુલાઈ, ઓગસ્ટ અને સપ્ટેમ્બરનો બાકી પગાર મળશે. આનો અર્થ કર્મચારીઓ અને પેન્શનરો માટે નોંધપાત્ર પગાર વધારો છે. આનાથી તેઓ તહેવારો દરમિયાન મોટા પાયે ખરીદી કરવા માટે પ્રોત્સાહિત થશે. આ વધારો સાતમા પગાર પંચ હેઠળ આવરી લેવામાં આવતા તમામ કેન્દ્ર સરકારના કર્મચારીઓ તેમજ પેન્શનરો અને પરિવારના પેન્શનરોને લાગુ પડશે.
2025નો બીજો મોટો વધારો
દિવાળી પહેલા કેન્દ્ર સરકારના કર્મચારીઓ અને પેન્શનરો માટે મોંઘવારી ભથ્થા (DA) અને મોંઘવારી રાહત (DR) માં મોટો વધારો જાહેર કરવામાં આવ્યો છે. આ વર્ષે મોંઘવારી ભથ્થા (DA) માં આ બીજો વધારો છે. સરકાર વર્ષમાં બે વાર મોંઘવારી ભથ્થા (DA) માં સુધારો કરે છે.
₹30,000 ના મૂળ પગારવાળા કર્મચારીને દર મહિને વધારાના ₹900 મળશે, જ્યારે ₹40,000 ના પગારવાળા કર્મચારીને વધારાના ₹1,200 મળશે. ત્રણ મહિનામાં, કુલ બાકી રકમ ₹2,700 થી ₹3,600 થશે. તહેવારોની મોસમ દરમિયાન આ એક મોટી રાહત હશે.
DA વધારો CPI-IW ડેટા પર આધાર રાખે છે
ઔદ્યોગિક કામદારો માટે ઓલ ઈન્ડિયા કન્ઝ્યુમર પ્રાઇસ ઇન્ડેક્સ (CPI-IW) દ્વારા માપવામાં આવતા ફુગાવાના વલણોના આધારે, જાન્યુઆરી અને જુલાઈમાં મોંઘવારી ભથ્થા (DA) અને મોંઘવારી રાહત (DR) વર્ષમાં બે વાર સુધારવામાં આવે છે. જોકે જાહેરાતો ઘણીવાર મોડી થાય છે, બાકી રકમ આ વિલંબની ભરપાઈ કરે છે. આ સુધારો 7મા પગાર પંચ હેઠળનો અંતિમ પગાર પંચ હોવાની અપેક્ષા છે. 8મા પગાર પંચનો અમલ જાન્યુઆરી 2026 થી થઈ શકે છે.
કરોડ કર્મચારીઓને લાભ
કેબિનેટના આ નિર્ણય બાદ મોંઘવારી ભથ્થામાં વધારાની ભેટ તમામ કેન્દ્રીય કર્મચારીઓ અને પેન્શનરોને ઉપલબ્ધ થશે. આનાથી 48 લાખ કર્મચારીઓ અને 68 લાખ પેન્શનરો અથવા ભૂતપૂર્વ કર્મચારીઓને ફાયદો થશે.