ગાંધીનગર: રાજ્યમાં હાલમાં ત્રણ વરસાદી સિસ્ટમ એક્ટિવ બની છે. જેનાં પગલે લગભગ બધાં જ જિલ્લાઓમાં રેડ એલર્ટ આપવામાં આવ્યું છે. આ સિસ્ટમ 29 ઓગસ્ટે સૌરાષ્ટ્ર અને કચ્છમાં પ્રવેશ કરશે એવી આગાહી કરવામાં આવી છે. સૌરાષ્ટ્ર અને કચ્છમાં પણ ભારેથી અતિભારે વરસાદની આગાહી કરવામાં આવી છે. વાસ્તવમાં, સમગ્ર ગુજરાતના તમામ જિલ્લાઓમાં અતિભારે વરસાદની શક્યતા વ્યક્ત કરવામાં આવી છે.
પાટણ, મહેસાણા, ગાંધીનગર, પોરબંદર અને ગીર સોમનાથ જિલ્લાઓમાં ઓરેન્જ એલર્ટ જાહેર કરવામાં આવ્યું છે, જ્યારે બાકીના તમામ જિલ્લાઓમાં રેડ એલર્ટ જાહેર કરવામાં આવ્યું છે.
રેડ એલર્ટની પરિસ્થિતિને ધ્યાનમાં રાખીને, રાજ્ય સરકાર અને સ્થાનિક વહીવટી તંત્રને સતર્ક રહેવા અને જરૂરી સાવચેતીના પગલાં લેવા સૂચના આપવામાં આવી છે. નાગરિકોને પણ સાવધાન રહેવા અને હવામાન વિભાગની સૂચનાઓનું પાલન કરવા અપીલ કરવામાં આવી છે.
