અમદાવાદ: રાજ્યમાં બે દિવસથી પડી રહેલ સામાન્ય વરસાદ બાદ હવે હવામાન વિભાગ દ્વારા આગામી સાત દિવસ માટેની આગાહી કરવામાં આવી છે. જેમાં આજે ઉત્તર ગુજરાતમાં ભારે વરસાદ સાથે આગામી સાત દિવસ તમામ જિલ્લાઓમાં હળવાથી સામાન્ય વરસાદની આગાહી કરવામાં આવી છે. રાજ્યમાં એક મોન્સૂન ટ્રફના કારણે આજે અને કાલે બે દિવસ ભારે વરસાદની આગાહી છે. ઉપરાંત આગામી સાત દિવસ સુધી રાજ્યના તમામ જિલ્લાઓમાં હળવાથી સામાન્ય વરસાદની આગાહી કરવામાં આવી છે.
શનિવારના રોજ બનાસકાંઠા, સાબરકાંઠા, અરવલ્લી, મહીસાગર જિલ્લામાં ભારે વરસાદની આગાહી સાથે યલો એલર્ટ જાહેર કરાયુ છે. આગામી પાંચ દિવસ માછીમારોને દરિયો ન ખેડવાની ચેતવણી આપવામાં આવી છે. આ સાથે અમદાવાદ અને ગાંધીનગરમાં બે દિવસ ગાજવીજ સાથે સામાન્ય વરસાદની આગાહી કરવામાં આવી છે.
