નવી દિલ્હીઃ ICC ચેમ્પિયન્સ ટ્રોફી 2025ની યજમાની પાકિસ્તાનને મળી હતી, પરંતુ એને શેડ્યુલ અને વેન્યુ પર સસ્પેન્સ છે, ટીમ ઇન્ડિયાને પાકિસ્તાન જવાની મંજૂરી નથી આપી, ત્યારે ICC હાઇબ્રિડ મોડલ હેઠળ એ ટુર્નામેન્ટ કરાવવાનું આયોજન કરી રહ્યું છે. જોકે પાકિસ્તાન આ ફોર્મ્યુલાને માની નથી રહ્યું. ખુદ PCB હવે પાકિસ્તાનની બહાર ચેમ્પિયન્સ ટ્રોફી કરાવવા ઇચ્છે છે.
PCBનો એક વર્ગ ઇચ્છે છે કે સંપૂર્ણ ચેમ્પિયન્સ ટ્રોફી પાકિસ્તાનની બહાર સ્થાનાંતરિત કરવામાં આવે અને દુબઈમાં રમાડવામાં આવે, જેથી યજમાનીના હક 6.5 કરોડ US ડોલરના ચેક પાકિસ્તાનને મળે.
જોકે, પાકિસ્તાન ક્રિકેટ બોર્ડ (PCB) એ આ બેઠક દરમિયાન ‘હાઈબ્રિડ મોડલ’ હેઠળ ટુર્નામેન્ટની યજમાની કરવાનો સ્પષ્ટ ઈનકાર કરી દીધો હતો. આવી સ્થિતિમાં ICCએ તેને અલ્ટિમેટમ આપ્યું છે. ICCએ આ મીટિંગ દરમિયાન PCBને સ્પષ્ટ કહ્યું છે કે તે કાં તો તમે ‘હાઈબ્રિડ મોડલ’ અપનાવો અથવા તો આ ટુર્નામેન્ટમાંથી બહાર થઈ જવા માટે તૈયાર રહો. આ મીટિંગનો હેતુ ચેમ્પિયન્સ ટ્રોફી માટે શેડ્યુલ નક્કી કરવાનો હતો, પરંતુ ભારતે સુરક્ષાની ચિંતાઓને કારણે પાકિસ્તાન જવાનો ઇનકાર કર્યો હોવા છતાં પીસીબીએ ફરી એક વખત ‘હાઈબ્રિડ મોડલ’ને ફગાવી દીધું છે, જેના પછી સર્વસંમતિ ન બની શકી.
હવે જો પાકિસ્તાન ‘હાઈબ્રિડ મોડલ’ સ્વીકારશે તો ભારત સામેની મેચો, એક સેમી ફાઈનલ અને ફાઈનલ UAEમાં યોજાશે. જ્યારે બાકીની મેચો પાકિસ્તાનમાં યોજાશે અને પાકિસ્તાન પાસે હોસ્ટિંગનો અધિકાર રહેશે અને જો ટુર્નામેન્ટ મુલતવી રાખવામાં આવે તો PCBને 60 લાખ ડોલર (રૂ. 50.73 કરોડ)ની હોસ્ટિંગ ફી થી હાથ ધોવા પડશે. તેનાથી PCBની વાર્ષિક આવકમાં પણ મોટો ઘટાડો થઈ શકે છે. જે લગભગ 350 લાખ ડોલર (આશરે રૂ. 296 કરોડ) છે.
