મુંબઈઃ 2022માં મહિલાઓની ફૂટબોલ એશિયા કપ સ્પર્ધાની મેચો નવી મુંબઈના ડી.વાય. પાટીલ સ્ટેડિયમમાં, અમદાવાદના ટ્રાન્સ્ટેડિયામાં અને ભૂવનેશ્વરના કલિંગા સ્ટેડિયમમાં રમાશે. એશિયન ફૂટબોલ કોન્ફેડરેશને આ ત્રણ સ્થળની પસંદગીને મંજૂરી આપી છે.
મહિલાઓની એશિયા કપ ફૂટબોલ 2022ની 20 જાન્યુઆરીથી 6 ફેબ્રુઆરી સુધી યોજાશે. નવી મુંબઈના પાટીલ સ્ટેડિયમ અને અમદાવાદના ટ્રાન્સ્ટેડિયામાં 2007ની ‘ફિફા અન્ડર-17 વર્લ્ડ કપ’ની મેચો પણ યોજવામાં આવી હતી.
