મોહાલીઃ 13 એપ્રિલના ગુરુવારે અત્રે બિન્દ્રા સ્ટેડિયમ ખાતે પંજાબ કિંગ્સ સામે રમાઈ ગયેલી આઈપીએલ-2023ની મેચમાં ઓવર-રેટ ધીમો રહી ગયો તે બદલ ગુજરાત ટાઈટન્સ ટીમના કેપ્ટન હાર્દિક પંડ્યાને આયોજકો તરફથી 12 લાખ રૂપિયાનો દંડ ફટકારવામાં આવ્યો છે. આ મેચ ગુજરાત ટીમ 6-વિકેટથી જીતી ગઈ હતી. ગુજરાત ટીમ અત્યાર સુધીમાં ચારમાંથી ત્રણ મેચમાં જીતી છે અને એકમાં હારી છે.
આ વખતની સ્પર્ધામાં સ્લો ઓવર-રેટ મોટી સમસ્યા બની રહ્યો છે. એવી મેચો ચાર કલાક સુધી રમાઈ હતી. આ પહેલાં રોયલ ચેલેન્જર્સ બેંગલોરના કેપ્ટન ફાફ ડુ પ્લેસી અને રાજસ્થાન રોયલ્સના કેપ્ટન સંજુ સેમસનને પણ સ્લો ઓવર-રેટ બદલ દંડ કરાઈ ચૂક્યો છે.
