અભિનેતા પ્રેમ ચોપરાએ 11 વર્ષ પછી તેમની પુસ્તકનું ફરી વિમોચન કર્યુ. મુંબઈમાં ગ્લોબલ આઇકોનિક બિઝનેસ એન્ડ એન્ટરટેઈનમેન્ટ એવોર્ડ્સ (GIEBA) ખાતે એર માર્શલ પવન કપૂર અને સર્જન વાઇસ એડમિરલ આરતી સરીનની હાજરીમાં તેમના આત્મકથાત્મક પુસ્તકનું પુનઃવિમોચન કરવામાં આવ્યું.
આ સમય દરમિયાન જીવનચરિત્રના લેખક અને તેમની પુત્રી રકીતા નંદા પણ તેમની સાથે હાજર હતા. ભારતીય સિનેમામાં પ્રેમ ચોપરાના અમૂલ્ય યોગદાન બદલ, તેમને GIEBA 2025 લાઇફટાઇમ એચિવમેન્ટ એવોર્ડથી પણ સન્માનિત કરવામાં આવ્યા હતા. પ્રેમ ચોપરા તરફથી દેશના સૈનિકોને આ એક અનોખી ભેટ છે.
આ પ્રસંગે પ્રેમ ચોપરાએ કહ્યું, “મને ગર્વ છે કે હું આજે આ મંચ પર દેશની રક્ષા કરી રહેલા સૈન્ય સૈનિકો અને માર્શલ સાહેબને મળ્યો અને તેમને મારી જીવનકથાની નકલ ભેટ આપી. હું આ સૈનિકોને સલામ કરું છું જેમણે પોતાના બલિદાનથી દેશની રક્ષામાં મહત્વપૂર્ણ યોગદાન આપ્યું છે. મને ખુશી છે કે હું આજે મારી જીવનકથા ‘પ્રેમ નામ હૈ મેરા’ તેમને સમર્પિત કરી રહ્યો છું.”
હર્ષ ગુપ્તા અને સુમિત કુમાર દ્વારા આયોજિત GiEBA એવોર્ડ્સ 2025 ના ખાસ કાર્યક્રમમાં ભૂતપૂર્વ અભિનેત્રી લીના ચંદાવરકરને પણ લાઇફટાઇમ એચિવમેન્ટ એવોર્ડથી સન્માનિત કરવામાં આવ્યા હતા. ઉપરાંત, ઉદિત નારાયણ, ફરીદા જલાલ, સમીર અંજાન, અર્શી ખાન, સુદેશ ભોંસલે, મીત બ્રધર્સ જેવા ઘણા કલાકારોએ પણ ભાગ લીધો હતો. પ્રસૂન જોશી અને કંગના રનૌતને ગ્લોબલ આઇકોનિક એન્ટરટેઈનમેન્ટ એન્ડ બિઝનેસ એવોર્ડથી પણ સન્માનિત કરવામાં આવ્યા હતા.
