નવી દિલ્હીઃ ઉન્નાવ દુષ્કર્મ પીડિતાના પિતાની ન્યાયિક હિરાસતમાં મોતને મામલે દોષી જાહેર કરવામાં આવતાં ઉત્તર પ્રદેશના ભૂતપૂર્વ વિધાનસભ્ય કુલદીપ સિંહ સેંગર ફરી કોર્ટમાં કગર્યો હતો. તેણે તીસ હજારી કોર્ટમાં સજા પર ચર્ચા દરમ્યાન આજીજી કરતાં દયાની ભીખ માગતાં કહ્યું કે જો મેં કંઈ ખોટું કર્યું હોય તો મને ફાંસીએ લટકાવી દો. મારી આંખોમાં એસિડ નાખી દો.
કુલદીપે કોર્ટમાં શું કહ્યું
દિલ્હીની કડકડડુમા કોર્ટમાં જસ્ટિસ ધર્મેશ શર્માની સામે જેવી ચર્ચા પર દલીલો શરૂ થઈ કે તરત દોષી કુલદીપ સિંહ સેંગર દયાની આજીજી કરતાં રડી પડ્યો હતો. તેણે કહ્યું હતું કે હજૂર, મને ન્યાય આપો…. આ મામલામાં હું નિર્દોષ છું. કુલદીપે જજ સમક્ષ ન્યાયિક હિરાસતમાં પીડિતાના પિતાના મોત પર કહ્યું કે મેં કંઈ પણ ખોટું નથી કર્યું. જો એવું કંઈ હોય તો મારી આંખોમાં એસિડ નાખી દો અથવા મને ફાંસીએ લટકાવી દો. મને આ મામલાની પૂરી માહિતી પણ નથી.
દિલ્હીની તીસ હજારી કોર્ટમાં ઉન્નાવ સામૂહિક પીડિતાના પિતાની ન્યાયિક હિરાસતમાં થયેલી મોતના મામલે થઈ રહેલી દલીલો થઈ હતી. કોર્ટમાં કેન્દ્રીય તપાસ એજન્સીના વકીલે દોષી કુલદીપ સિંહ સેંગર સહિત સાત લોકોને આકરી સજા આપવાની માગ કરી હતી. આ કેસમાં કોર્ટે ચુકાદો અનામત રાખ્યો છે અને જજ શુક્રવારે 10 વાગ્યે સજા સંભળાવશે.
આ સાત લોકોને સજા સંભળાવાશે
- ઉન્નાવના ભૂતપૂર્વ વિધાનસભ્ય કુલદીપ સિંહ સેંગર, 2સબ ઇન્સ્પેક્ટર કામતા પ્રસાદ, 3 SHO અશોક સિંહ ભદોરિયા, 4 વિનીત મિશ્રા ઉર્ફ વિનય મિશ્રા, 5 જય સિંહ ઉર્ફ અતુલ સિંહ, 6 વીરેન્દ્ર સિંહ ઉર્ફે બઉવા સિંહ અને 7 શશિ પ્રતાપ સિંહ ઉર્ફે સુમન સિંહ.
