યસ બેન્કની લોન સંપત્તિ વેચીને પણ ચૂકવીશું : અનિલ અંબાણી ગ્રુપ

નવી દિલ્હીઃ યસ બેન્કની નાણાકીય કટોકટી પાછળ રિલાયન્સ (ADAG) ગ્રુપનો પણ હાથ છે, એ મુદ્દે અનિલ અંબાણીના નેતૃત્વવાળા કોર્પોરેટ ગ્રુપે સ્પષ્ટતા કરી છે. રિલાયન્સ ગ્રુપે એક નિવેદન જારી કરીને કહ્યું છે કે યસ બેન્કે ગ્રુપને આપેલી લોન સંપૂર્ણ રીતે સુરક્ષિત છે અને એ સામાન્ય વેપાર-ધંધા માટે લેવામાં આવી છે. દેવાંગ્રસ્ત રિલાયન્સ ગ્રુપે કહ્યું હતું કે એ બેન્કથી લીધેલી લોન ચૂકવવા માટે તત્પર છે. જૂથ તેમની સંપત્તિઓ વેચીને પણ યસ બેન્કની લોન ચૂકવી દેશે.

 રાણા કપૂર સાથે કોઈ સંપર્ક નહીઃ રિલાયન્સ ગ્રુપ

યસ બેન્કના ભૂતપૂર્વ CEO રાણા કપૂર અને તેમના પરિવારની સાથે સંબંધો લઈને ઊભા થઈ રહેલા સવાલોનો પણ રિલાયન્સ ગ્રુપે ખુલાસો કર્યો હતો. ગ્રુપે કહ્યું હતું કે યસ બેન્કના CEO રાણા કપૂર, તેમનાં પત્ની અને પુત્રીઓ અથવા તેમના પરિવાર દ્વારા કરવામાં આવતા બિઝનેસ સાથે અમારે કોઈ લેવાદેવા નથી.

યસ બેન્ક પર નિયંત્રણો પછી એસ્સેલ અને રિલાયન્સ ગ્રુપનું નામ

રિઝર્વ બેન્કે યસ બેન્ક પર નિયંત્રણો લાદ્યાં પછી નાણાપ્રધાન નિર્મલા સીતારામને મિડિયાને જણાવ્યું હતું કે સુભાષ ચંદ્રાની એસ્સેલ ગ્રુપ અને અનિલ અંબાણી ગ્રુપના રિલાયન્સ ગ્રુપનું નામ લીધી હતું. નાણાપ્રધાને કહ્યું હતું કે જે કોર્પોરેટ ગ્રુપોએ યસ બેન્કથી લોન લીધી હતી, એમાં રિલાયન્સ અને એસ્સેલ ગ્રુપ મોખરે છે.

કુલ 10 કોર્પોરેટ ગ્રુપોની 44 કંપનીઓ પર યસ બેન્કના રૂ. 34,000 કરોડના લેણાં

દેશનાં 10 મોટાં કોર્પોરેટ ગ્રુપોની 44 કંપનીઓ પર યસ બેકન્વી રૂ. 34,000 કરોડનાં લેણાં છે. જેમાં અનિલ અંબાણીના નેતૃત્વવાળા રિલાયન્સ ગ્રુપની નવ કંપનીઓ પર રૂ. 12,800 કરોડનાં લેણાં છે. એસ્સેલ ગ્રુપ પર રૂ. 8,400 કરોડનાં લેણાં છે. આ બે સિવાય  DHFL ગ્રુપ, દીવાન હાઉસિંગ ફાઇનાન્સ કોર્પોરેશન, જેટ એરવેઝસ કોક્સ એન્ડ કિંગ્સ અને ભારત ઇન્ફ્રા સામેલ છે.

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]