મુંબઈઃ શહેરના અનેક ભાગોમાં બોમ્બ મૂકવામાં આવ્યા હોવાનો એક શખ્સ તરફથી મુંબઈ પોલીસના મેઈન કન્ટ્રોલ રૂમને ગઈ કાલે મધરાત બાદ ફોન આવ્યા બાદ પોલીસતંત્ર સતર્ક બની ગયું છે અને તપાસ શરૂ કરી દીધી છે.
‘એબીપી માઝા’ના અહેવાલ મુજબ, ફોન કરનાર શખ્સની ધમકીમાં અંધેરી, વિલે પારલે ઉપનગરોમાં સિનેમાગૃહો અને શોપિંગ મોલ્સનો પણ સમાવેશ કરાયો હતો. પોલીસે મધરાત બાદ એક વાગ્યે ચેકિંગ હાથ ધર્યું હતું. પરંતુ કંઈ વાંધાજનક સામગ્રી કે ચીજ હાથ લાગી નહોતી.. પોલીસ ફોન કરનાર શખ્સની ઓળખની તપાસ કરી રહી છે.
