નવી દિલ્હીઃ દેશભરમાં કોરોનાવાઈરસ ચેપી બીમારીનાં ઘટી ગયેલા કેસ અને સ્થિર થઈ ગયેલી પરિસ્થિતિને ધ્યાનમાં લઈને પુખ્ત વયની તમામ વ્યક્તિઓને કોવિડ-19 બૂસ્ટર રસી ડોઝ આપવાનું શરૂ કરવાનો ભારત સરકારનો તાત્કાલિક કોઈ વિચાર નથી.
સાથોસાથ, સરકારે પાંચ અને 15 વર્ષની વચ્ચેની વયનાં બાળકોને કોરોના-વિરોધી રસી આપવાનું અટકાવી રાખવાનો નિર્ણય લીધો છે. જ્યાં સુધી અધિકૃત વૈજ્ઞાનિક પુરાવા ન મળે ત્યાં સુધી એવી પરવાનગી આપવાનું રોકી રખાશે, એમ પેન્ડેમિક મેનેજમેન્ટ વિભાગના અધિકારીઓએ હિન્દુસ્તાન ટાઈમ્સને જણાવ્યું છે.
