નવી દિલ્હીઃ લોકસભા ચૂંટણીમાં સીટો વધવાથી ઉત્સાહિત કોંગ્રેસે વિધાનસભા ચૂંટણી માટે ગઠબંધનની યોજના જાહેર કરી દીધી છે. કોંગ્રેસ મહા સચિવ જયરામ રમેશે કહ્યું છે કે દિલ્હી, હરિયાણામાં પાર્ટી વિધાનસભા ચૂંટણી એકલા હાથે લડશે. આ બંને રાજ્યોમાં આમ આદમની પાર્ટીની સાથે ગઠબંધન શક્યતા નથી. જોકે તેમણે મહારાષ્ટ્ર અને ઝારખંડમાં પહેલેથી બનેલા ગઠબંધનને વિધાનસભા ચૂંટણીમાં યથાવત્ રાખવાની વાત કહી હતી.
જયરામ રમેશને જ્યારે સવાલ કરવામાં આવ્યો હતો કે શું દિલ્હી અને હરિયાણામાં કોંગ્રેસ અને આપની વચ્ચે ગઠબંધન થશે તો તેમણે કહ્યું હતું કે કોઈ ગુંજાશ નથી. વિપક્ષના ઇન્ડિયા ગઠબંધમાં એવી કોઈ નક્કી ફોર્મ્યુલા નથી, જેને વિધાનસભા ચૂંટણીમાં લાગુ કરી શકાય. ગઠબંધન એ રાજ્યોમાં મળીને લડશે, જ્યાં કોંગ્રેસ નેતા અને અન્ય ગઠબંધના નેતાઓની સહમતી બની જશે, પણ જ્યાં સહમતી નહીં બને, ત્યાં અલગ-અલગ ચૂંટણી લડશે, એમ તેમણે કહ્યું હતું.
महाराष्ट्र और झारखंड में हम गठबंधन के साथ चुनाव लडेंगे – @Jairam_Ramesh pic.twitter.com/ylPtY4kFUm
— Lutyens Media (@LutyensMediaIN) July 4, 2024
જોકે મહારાષ્ટ્ર અને ઝારખંડમાં પહેલેથી બનેલા ઇન્ડિયા ગઠબંધનની સાથે કોંગ્રેસ છે. ઝારખંડમાં JMMની સાથે પાર્ટી જોડાયેલી છે. જે રાજ્યોમાં કોંગ્રેસ અને સહયોગી દળોના નેતાઓ ઇચ્છશે, ત્યાં ઇન્ડિયા ગઠબંધન રહેશે. આપ પણ ઇન્ડિયા ગઠબંધનો ઘટક પક્ષ છે. આ વર્ષે લોકસભા ચૂંટણીમાં દિલ્હી, હરિયાણામાં આપ અને કોંગ્રેસ ગઠબંધન સાથે ચૂંટણી લડવા ઊતર્યા હતા, પણ પંજાબમાં બંને પક્ષોએ અલગ-અલગ ઉમેદવારો ઉતાર્યા હતા. ત્યાર બાદ બધાની નજર વિધાનસભા ચૂંટણીને લઈને બંને પાર્ટીઓના વલણ પર હતી, જે હવે કોંગ્રેસે સ્પષ્ટ કરી દીધું છે.
