નવી દિલ્હીઃ એચડી કુમારસ્વામીની JDSએ NDA ગઠબંધનમાં સામેલ થઈ છે.. છેલ્લા કેટલાય દિવસોથી એની ચર્ચા ચાલી રહી હતી. બંને પાર્ટીઓ વચ્ચે અનેક બેઠક થઈ ચૂકી છે. ભાજપાધ્યક્ષ જેપી નડ્ડાએ શુક્રવારે એલાન કરતાં સ્પષ્ટતા કરી હતી કે JDS આ વખતે લોકસભા ચૂંટણીમાં NDAની સાથે રહેશે.
JDS કર્ણાટકમાં એક મજબૂત પાર્ટી છે. દક્ષિણના વિસ્તારોમાં એની પકડ મજબૂત છે. એના પર વોકલિંગા સમાજની વચ્ચે ભૂતપૂર્વ વડા પ્રધાન દેવેગોવડાને કારણે પાર્ટીની સારીએવી લોકપ્રિયતા છે. આવામાં ચૂંટણીમાં ભાજપને JDSનો સાથ મળશે. આ વખતે કર્ણાટક વિધાનસભાની ચૂંટણીમાં ભાજપની સજ્જડ હાર થઈ હતી, એ જોતાં JDSની સાથે આવતાં પાર્ટીની મુશ્કેલીઓ ઓછી થશે.
Met Former Chief Minister of Karnataka and JD(S) leader Shri H.D. Kumaraswamy in the presence of our senior leader and Home Minister Shri @AmitShah Ji.
I am happy that JD(S) has decided to be the part of National Democratic Alliance. We wholeheartedly welcome them in the NDA.… pic.twitter.com/eRDUdCwLJc— Jagat Prakash Nadda (@JPNadda) September 22, 2023
ભાજપાધ્યક્ષે ટ્વીટ કરતાં લખ્યું હતું કે ગૃહપ્રધાન અમિત શાહજી મને જણાવતાં આનંદ થાય છે કે JDS NDAનો હિસ્સો બનશે. અમે તેનું દિલથી સ્વાગત કરીએ છીએ. હવે NDAની તાકાત વધુ મજબૂત થઈ છે. જોકે વિધાનસભાની ચૂંટણીંમાં JDSને આ વખતે માત્ર 19 સીટો મળી હતી. એનો મતહિસ્સો પણ 13 ટકા હતો. બીજી તરફ કોંગ્રેસે 135 બેઠકો જીતીને રાજ્યમાં સત્તા હાંસલ કરી હતી. જ્યારે ભાજપને 66 સીટો સાથે સંતોષ માનવો પડ્યો હતો. જોકે JDS સાથે આવતાં NDAને રાજકીય લાભ થવાની વકી છે.
