પૂણેઃ આજે એર ઈન્ડિયાનું એક વિમાન પાયલટના આગવા કૌશલ્ય અને સમય સૂચકતાના કારણે મોટી દુર્ઘટનાનો શિકાર બનતા બચી ગયું છે. હકીકતમાં પૂણે એરપોર્ટના રનવે પર વિમાન જેવું જ દિલ્હી માટે ટેકઓફ કરવા જઈ રહ્યું હતું કે અચાનક જ ત્યાં એક જીપ અને વ્યક્તિ રસ્તામાં આવી ગયા.
આ સમયે વિમાન આશરે 222.24 કિમી પ્રતિ કલાકની સ્પીડ પર પહોંચ્યું હતું. વિમાનના પાયલટે તુરંત જ પોતાનું આગવું કૌશલ દર્શાવતા ટેકઓફનો નિર્ણય કર્યો. વિમાન સુરક્ષિત રીતે દિલ્હી એરપોર્ટ પર પહોંચી ગયું.
ડીજીસીએ આ ઘટના મામલે તપાસના આદેશ આપતા જણાવ્યું કે, આ ઘટના પૂર્ણ એરપોર્ટની છે. રનવે પર વિમાન એ-321 ટેકઓફ થયું તે દરમિયાન પાયલટે જીપ લઈને રન વે પર આવી ગયેલા એક વ્યક્તિને જોયો, પાયલટે દુર્ઘટના રોકવા માટે વિમાનને પહેલા જ ટેકઓફ કરી દીધું. જો કે, આ ઘટનાથી કોઈ નુકસાન થયું નથી.
અધિકારીના જણાવ્યા પ્રમાણે એર ઈન્ડિયાએ આ ઘટનાનું વિશ્લેષણ માટે કોકપિટ વોઈસ રિકોર્ડ (CVR) હટાવવાની સલાહ આપી હતી. આ ઘટનાની પ્રાથમિક તપાસ વિશે ડીજીસીએના એક અન્ય અધિકારીએ કહ્યું હતુંકે, વિમાનને તપાસ માટે સેવામાંથી હટાવવામાં આવ્યું છે.
