મુંબઈઃ મહારાષ્ટ્ર રાજ્યમાં આજે કોરોના વાઈરસનાં નવા 113 દર્દીઓ નોંધાયા છે. આ સાથે રાજ્યમાં આ રોગચાળાનાં કેસોની સંખ્યા વધીને 748 થઈ છે.
મહારાષ્ટ્રમાં આજે સવારે નોંધાયેલા 26 કેસોમાં 17 કેસો પુણેમાં છે. ચાર કેસ પુણેની પડોશના પિંપરી-ચિંચવડ નગરમાં, 3 કેસ એહમદનગરમાં અને બે કેસ ઔરંગાબાદમાંથી મળ્યા છે.
મહારાષ્ટ્રમાં આ રોગને કારણે અત્યાર સુધીમાં 32 જણનાં જાન ગયા છે જ્યારે 56 જણને સાજા થઈ ગયા બાદ હોસ્પિટલોમાંથી રજા આપી દેવામાં આવી છે.
પુણે શહેરમાં 69 વર્ષીય કોરોનાગ્રસ્ત મહિલા દર્દીનું નિધન થયું છે. એ મહિલા કેલ્ક્યુલેસ કોલેસિસ્ટિટીસથી પીડિત હતાં. પુણેમાં કોરોનાને કારણે આ ત્રીજું મૃત્યુ થયું છે. પુણે જિલ્લામાં મરણાંક પાંચ થયો છે.
કોરોના વાઈરસનો ફેલાવો રોકવા માટે દેશમાં 21-દિવસનું લોકડાઉન લાગુ કરાયું છે, જે 14 એપ્રિલ સુધી ચાલશે. આજે 12મો દિવસ છે.
