અમદાવાદ: શાંતિ એશિયાટિક સ્કૂલમાં શૈક્ષણિક વર્ષ 2025–26 ની નવી ચૂંટાયેલી વિદ્યાર્થી પરિષદ માટે પદવીદાન સમારોહનું આયોજન કરવામાં આવ્યું હતું. આ મહત્વપૂર્ણ પ્રસંગમાં શાળાના વિદ્યાર્થીઓના નેતૃત્વ, પ્રતિબદ્ધતા અને જવાબદારીની ભાવનાની ઉજવણી કરવામાં આવી હતી. શાંતિ એશિયાટિક સ્કૂલના ડિરેક્ટર અભય ઘોષ, શૈક્ષણિક સલાહકાર સંધ્યા સહાય, જૂનિયર અને સિનિયર શાળાના આચાર્યો, મુખ્ય શિક્ષકો અને વિદ્યાર્થીઓ સહિત તેમના વાલીઓ હાજર રહ્યા હતા.
કાર્યક્રમમાં ધોરણ નવથી બારના નવા નિમાયેલા કાઉન્સિલ સભ્યો દ્વારા માર્ચ-પાસ્ટ કરવામાં આવી હતી, તેમજ વિદાય લેતા ફ્લેગ બેરર્સે એ જવાબદારીઓના સ્થાણાંતરણનું પ્રતીક બનીને નવા સ્કૂલ કેપ્ટન અને હાઉસ કેપ્ટનને જવાબદારી સોંપી.
નવા નિયુક્ત સ્ટુડન્ટ્સ લીડર્સને મહાનુભાવો દ્વારા ‘સૈશ’ અપર્ણ કરવામાં આવ્યા, જે બધા માટે ગર્વ અને ભાવનાત્મક ક્ષણ હતી. ત્યારબાદ વિદાય લેનાર અને નવું પદભાર સંભાળનાર બંને સ્કૂલ કેપ્ટનોએ પ્રેરણાદાયી ભાષણો આપ્યા, જેનાથી તેમના સાથી વિદ્યાર્થીઓને પ્રેરણા મળી.
