મુંબઈઃ પ્રિયંકા ચોપરા અને નિક જોનસ પોતાના લગ્ન પહેલા અને બાદમાં સતત ચર્ચામાં રહે છે. આ બન્નેના ફોટોગ્રાફ્સ સોશિયલ મીડિયા પર ખૂબ પોપ્યુલર રહે છે. ગત મહિને જ આ કપલે પોતાના લગ્નની પ્રથમ એનિવર્સરી મનાવી હતી અને હવે પ્રિયંકાએ એ વાતનો ખુલાસો કર્યો છે કે આખરે તેમણે નિક જોનસને ડેટ કરવાનો નિર્ણય શા માટે લીધો.
પ્રિયંકા અને નિકે વર્ષ 2017 માં એકબીજાને ડેટ કરવાનું શરુ કર્યું. આના બીજા જ વર્ષે તેમણે પોતાના સંબંધને નેક્સ્ટ લેવલ પર લઈ જવાનો નિર્ણય કર્યો અને લગ્ન કરવાનું નક્કી કર્યું. તાજેતરમાં એક ઈન્ટરવ્યુમાં પ્રિયંકા ચોપરાએ જણાવ્યું કે અમેરિકન પોપ સિંગર નિક જોનસને તેમના સોંગ “ક્લોઝ”ના વિડીયોને જોયા બાદ ડેટ કરવાનો નિર્ણય કર્યો હતો.
આ ગીતને વિડીયોમાં નિક માત્ર અંડર ગારમેન્ટ્સમાં જ છે. આ ગીતમાં પ્રિયંકાને નિક જોનસ એટલા હોટ લાગવા લાગ્યા કે તેમણે નિકને પોતાના જીવનસાથી બનાવવાનો નિર્ણય કરી લીધો. પ્રિયંકાએ એ પણ જણાવ્યું કે આ તેનો ફેવરિટ વિડીયો છે.
