છૂપા દુશ્મન સામે જીતી જઇશુંઃ ટ્રમ્પ

વોશિંગ્ટનઃ અમેરિકાના રાષ્ટ્રપતિ ડોનાલ્ડ ટ્રમ્પે કોરોના વાઇરસની સામે લડાઈ જીતી જવાનો વિશ્વાસ વ્યક્ત કરતાં કહ્યું હતું કે દુનિયાઆખી કોવિડ-19ની એક અદ્રશ્ય સેના સામે યુદ્ધ લડી રહી છે. ટ્રમ્પે કહ્યું હતું કે આ દેશ આ વાઇરસની સામેની લડાઈમાં દરેક ઉપલબ્ધ સંસાધનનો ઉપયોગ કરી રહી છે. અમેરિકામાં અત્યાર સુધી 105 લોકોનાં મોત થયાં છે અને વિશ્વમાં 7,000થી વધુ લોકોનાં મોત થઈ ચૂક્યાં છે.

વિશ્વ એક છુપાયેલા દુશ્મન સાથે યુદ્ધ

ટ્રમ્પે ટ્વીટ કરીને કહ્યું હતું કે વિશ્વ એક છૂપા દુશ્મન સાથે યુદ્ધ કરી રહ્યું છે. તેમણે કહ્યું હતું કે આપણે આનાથી છુટકારો મેળવવો પડશે. આપણે યોગ્ય રીતે અને ત્વરિત આ યુદ્ધ જીતવું જરૂરી છે. આપણે એરલાઇન્સ ઉદ્ગને મદદ કરવી પડશે. આ તેમની ભૂલ નથી.

આરોપ-પ્રતિ આરોપનો સમય આ નથી

અમેરિકી રાષ્ટ્રપતિએ કહ્યું હતું કે તેમનું વહીવટી તંત્ર આ દુશ્મનને માત આપશે. તેઓ અમેરિકાના વિદેશપ્રધાન  માઇક પોમ્પિઓએ ચીન પર આરોપ લગાવતાં કહ્યું હતું કે એ કોરોના વાઇરસના સંબંધમાં પોતાની જવાબદારીથી ધ્યાન હટાવવા માટે દુષ્પ્રચાર અભિયાન ચલાવી રહ્યું છે. પોમ્પિઓએ પણ પત્રકારોને કહ્યું હતું કે આ આરોપ-પ્રત્યારોપનો સમય નથી. અત્યારે આ વૈશ્વિક રોગચાળાને રોકવા માટે અને વધુ ફેલાતો અટકાવવા માટે યુદ્ધના ધોરણે કામ કરવું પડશે. તેમણે કહ્યું હતું કે હાલ પૂરતું તમે તમારો સમય ઘરમાં વિતાવો અને આ સમસ્યાથી આપણે છુટકારો મેળવવો પડશે અને સામાન્ય જનજીવનને પાટે ચઢાવવું પડશે.

 

 

 

 

 

 

 

 

 

 

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]