શું ચીનના આ ડોક્ટરે શોધી કાઢી કોરોનાની રસી?

બેજિંગઃ ચીને કોરોના વાયરસની રસીનું મનુષ્યો પર પરીક્ષણ શરુ કર્યું છે. આ ચીનની પહેલી વેક્સિન છે કે જેને “ટર્મિનર ઓફ ઈબોલા” કહેવાતી દેશની ટોચ સૈન્ય જૈવ-યુદ્ધ વિશેષજ્ઞોની ટીમે તૈયાર કરી છે. વુહાનથી કોરોના વાયરસની શરુઆત બાદ ચીન અત્યારસુધી આ બિમારી સામે ઝઝુમી રહ્યું છે. આ વચ્ચે વિશેષજ્ઞોએ ચેતવણી આપી છે કે ચીનમાં કોરોના વાયરસના ચેપનો બીજો દોર શરુ થઈ શકે છે.

એક ટોચના સંશોધક ચેન વુઈએ જાહેરાત કરી કે સરકારે તેમને આ વેક્સિનનો ટેસ્ટ કરવાની મંજૂરી આપી દીધી છે. તેમણે કહ્યું કે, કોરોના વાયરસનો ખાત્મો કરવા માટે વેક્સિન સૌથી મોટું હથિયાર છે. તેમણે કહ્યું કે, ચીન આ પ્રકારનું હથિયાર બનાવવામાં અને દર્દીઓને બચાવવામાં સૌથી પહેલા સફળ થાય છે તો આ આપણા દેશની છબી અને વિજ્ઞાનના ક્ષેત્રમાં પ્રગતિને દર્શાવે છે.

ચેને કહ્યું કે, તેમની ટીમે આ વેક્સિનનું વિશાળ પ્રમાણમાં ઉત્પાદન કરવા માટેની તૈયારીઓ શરુ કરી દીધી છે. જણાવવામાં આવી રહ્યું છે કે, કોરોના વાયરસની આ વેક્સિન એક મહિનાની શોધ બાદ સફળતાપૂર્વક તૈયાર કરી લેવામાં આવી છે. આમાં ઈબોલાની રસીઓનો પણ અભ્યાસ કરવામાં આવ્યો છે. ચીનની સરકારી મીડિયા અનુસાર આ એ જ ચેન છે કે જેમણે વર્ષ 2003 માં સાર્સના ફેલાવા બાદ મેડિકલ સ્પ્રે બનાવ્યો હતો. આ સ્પ્રે દ્વારા 14 હજાર મેડિકલ વર્કર્સના જીવ બચાવવામાં આવ્યા હતા.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]