નવી દિલ્હીઃ સ્વીડનના વૈજ્ઞાનિક સ્વાંતે પાબોને ફિઝિયોલોજી-મેડિસિન માટે નોબેલ પ્રાઇઝથી સન્માનિત કરવામાં આવ્યા છે. સ્વાંતે પાબોને વિલુપ્ત હોમિનિન અને માનવ વિકાસના જિનોમથી સંબંધિત સંશોધનો માટે આ નોબેલ પ્રાઇઝ આપવામાં આવ્યું છે. સાયન્ટિફિક વિશ્વમાં નોબેલ પુરસ્કારને સૌથી પ્રતિષ્ઠિત ઇનામ માનવામાં આવે છે. એ સ્વીડનની કરોલિન્સ્કા સંસ્થાની નોબેલ એસેમ્બલી દ્વારા આપવામાં આવે છે અને એની કિંમત 10 મિલિયન સ્વિડિશ ક્રાઉન ( 9,00,357 ડોલર) છે.
નોબેલ સમિતિના સચિવ થોમસ પેર્લમેને સ્ટોકહોમ, સ્વીડનના કેરોલિન્સ્કા ઇન્સ્ટિટ્યૂટે સોમવારે વિજેતાની ઘોષણા કરી હતી.
BREAKING NEWS:
The 2022 #NobelPrize in Physiology or Medicine has been awarded to Svante Pääbo “for his discoveries concerning the genomes of extinct hominins and human evolution.” pic.twitter.com/fGFYYnCO6J— The Nobel Prize (@NobelPrize) October 3, 2022
સ્વાંતે પાબો એક સ્વિડિશ જેનેટિસ્ટ છે, જેવિકાસવાદી આનુવાંશિકી ક્ષેત્રમાં નિપુણતા ધરાવે છે. આ નોબેલ પ્રાઇઝની ઘોષણા કરતાં સમિતિએ કહ્યું હતું કે તેમણે તેમની શોધના માધ્યમથી સ્વાંતે પાબોએ કંઈક એવું કર્યું છે કે જે અસંભવ જેવું લાગે છે. નિએન્ડરથલના જિનોમને અનુક્રમિત કરવું –એ હાલમાં મનુષ્યો માટે વિલુપ્ત રિલેટિવ છે. તેમણે પહેલાં અજ્ઞાત હોમિનિન, ડેનિસોવાની પણ સનસનીખેજ શોધ કરી હતી.
