ઈસ્લામાબાદઃ અહીંના ઈન્ટરનેશનલ એરપોર્ટના સત્તાવાળાઓએ નક્કી કર્યું છે કે દેશના આ પાટનગર શહેરમાં આવતા પર્યટકોમાંના કોણ કોરોનાવાઈરસના રોગીઓ છે એને ઓળખી કાઢવા માટે તેઓ સ્નિફર કૂતરાઓની મદદ લેશે. એરપોર્ટના એક સિનિયર અધિકારીએ ‘ડોન ન્યૂઝ’ને આ જાણકારી આપી હતી.
અધિકારીએ કહ્યું કે તાલીમબદ્ધ સ્નિફર શ્વાન ચેપગ્રસ્ત વ્યક્તિઓમાંથી આવતી ગંધ સૂંઘીને કોરોનાવાઈરસ ચેપને ઓળખી કાઢશે. આ કૂતરાઓનો ઉપયોગ કોવિડ-19 ચેપની ઓળખ કરવા માટે પૂરક સ્ક્રીનિંગ સાધન તરીકે કરવામાં આવશે.
