યેરુસેલમઃ હમાસની સૈન્યએ ઇઝરાયેલની સામે એક નવી સૈન્ય ઝુંબેશ શરૂ કરી છે, એમ એક નેતાએ કહ્યું હતું. ઓપરેશન અલ-અકસા સ્ટોર્મ શરૂ કરતા ઇઝરાયેલમાં 5000 રોકેટ વડે હુમલો કર્યો હતો, એમ મોહમ્મદ ડીફે કહ્યું હતું. ઇઝરાયેલે ગાઝાપટ્ટી પર ઘૂસણખોરીની પણ માહિતી આપી હતી.
પ્રાપ્ત માહિતી અનુસાર ગાઝા તરફથી ઇઝરાયેલના ઘણા રહેણાંક વિસ્તારો પર રોકેટ છોડવામાં આવ્યા છે. હમાસના ઘણા ઉગ્રવાદીઓ ઇઝરાઇલમાં ઘૂસ્યા હોવાના સમાચાર છે. જોકે સામે પક્ષે ગાઝાથી રોકેટ હુમલા બાદ ઈઝરાઇલે નિવેદન આપીને કહ્યું હતું કે અમે ‘યુદ્ધ’ માટે તૈયાર છીએ.
અલ જઝીરાના અહેવાલ મુજબ બે શહેરો એશ્કેલોન અને તેલ અવીવ પર અનેક રોકેટ છોડવામાં આવ્યા છે. આ રોકેટ રહેણાક વિસ્તારોમાં પડ્યા છે. આ ઘટના સાથે જોડાયેલા વfડિયો સોશિયલ મીડિયા પર વાFરલ થઈ રહ્યા છે.
Israelis across the country—on Shabbat and the holiday of Simchat Torah—woke up to sirens sounding and Hamas firing rockets at them from Gaza this morning.
We will defend ourselves. pic.twitter.com/S9GN8fld4Y
— Israel Defense Forces (@IDF) October 7, 2023
ઇઝરાયેલની મેગેન ડેવિડ એડોમ (એમડીએ) બચાવ સેવાએ જણાવ્યું હતું કે ગડેરોટ વિસ્તારમાં કફર અવીવમાં બેરેજને કારણે એક 70 વર્ષીય મહિલાનું મોત થયું હતું. તબીબી ટીમો ગેડેરોટ પ્રાદેશિક પરિષદમાં સીધા રોકેટની અસરમાં પકડાયેલા અન્ય વ્યક્તિની સારવાર કરી રહી છે. વધુમાં, એમડીએએ જણાવ્યું હતું કે તે 20 વર્ષીય વ્યક્તિની પણ સારવાર કરી રહી છે જે યાવનમાં રોકેટ શ્રાપનલથી સહેજ ઘાયલ થયો હતો. આ હુમલામાં 20 લોકોનાં મોત થયાં હહોવાની આશંકા છે.
ઈઝરાઇલ- પેલેસ્ટાઇન વચ્ચે વિવાદ
મધ્ય પૂર્વના આ વિસ્તારમાં ઓછામાં ઓછા 100 વર્ષથી આ સંઘર્ષ ચાલી રહ્યો છે. ગાઝા પટ્ટી ઇઝરાઇલ અને ઇજિપ્તની વચ્ચે છે. આ જગ્યા હાલ હમાસના નિયંત્રણમાં છે. આ ઈઝરાઇલ વિરોધી જૂથ છે. સપ્ટેમ્બર 2005માં, ઇઝરાઇલે ગાઝા પટ્ટીમાંથી તેના સૈન્યને પાછું ખેંચી લીધું. 2007માં ઈઝરાઇલે આ વિસ્તાર પર અનેક નિયંત્રણો લાદ્યા હતા. પેલેસ્ટાઈનનું કહેવું છે કે વેસ્ટ બેન્ક અને ગાઝા પટ્ટીમાં સ્વતંત્ર પેલેસ્ટાઈન રાજ્યની સ્થાપના થવી જોઈએ.
![](https://chitralekha.com/chitralemag/wp-content/themes/Newspaper/images/whatsapp-channel-follow.png)