કોરોનાઃ વિશ્વ આખુંય લોકડાઉન તરફ વળી રહ્યું છે…

વોશિંગ્ટનઃ કોરોના વાઇરસના પ્રકોપને કારણે યુરોપીય દેશોની સીમાઓ સીલ થઈ ગઈ છે. ફ્રાંસમાં આવાગમન પર સંપૂર્ણ રીતે પ્રતિબંધ મૂકવામાં આવ્યો છે. લંડનમાં લોકડાઉન થઈ ચૂક્યું છે. અમેરિકી રાષ્ટ્રપતિ ડોનાલ્ડ ટ્રમ્પે કહ્યું કે અમેરિકા આ આવનારા સમયમાં લાંબી લડાઈ માટે તૈયારી કરી રહ્યું છે. ફ્રાંસમાં રાષ્ટ્રપતિ ઇમાન્યુઅલ મેક્રોએ તમામ નાગરિકોને આદેશ આપ્યો છે કે તેઓ આગામી 15 દિવસ સુધી ઘરમાં જ રહે. વિશ્વભરમાં આ પગલાંથી વૈશ્વિક લોકડાઉનની અટકળો તેજ થઈ ગઈ છે.

લંડનમાં લોકડાઉન

યુકેમાં કોરોના વાઇરસના 1,543 કેસ નોંધાયા છે અને 55 મોત થયાં છે. બ્રિટનના વડા પ્રધાને ગઈ કાલે રાત્રે લોકોને સચેત રહેવાની હાકલ કરતાં કહ્યું હતું કે યુકેમાં કોરોના વાઇરસ ઝડપથી ફેલાઈ રહ્યો છે અને લંડનમાં પણ પ્રસર્યો છે, જેથી તેમણે લોકોને એકબીજાથી દૂર રહેવાની અપીલ કરી હતી તેમ જ રેસ્ટોરાં, બાર્સ ને સિનેમા અને મર્યાદિત ટ્રાવેલ કરવા જણાવ્યું છે. વળી તેમણે આગામી 12 સપ્તાહ સુધી મોટા પાયે થતા સામાજિક પ્રસંગો (લગ્નો કે સોશિયલ ફંકશનો)થી દૂર રહેવા વિનંતી કરી હતી.

ફ્રાન્સમાં પણ સામાજિક કાર્યક્રમો પર પ્રતિબંધ

ફ્રાન્સના મેક્રોએ કહ્યું હતું કે લોકોને બિનજરૂરી યાત્રાઓ ટાળવા અને સામાજિક કાર્યક્રમો પર પ્રતિબંધ મૂકી દીધો હતો, જો કોઈ આનું ઉલ્લંઘન કરશે તો તેની સામે કાર્યવાહી કરવામાં આવશે. તેમણે યુરોપીય સંઘની બહારની સીમાઓ આજથી 30 દિવસ સુધી બંધ કરી દીધી હતી. અત્યાર સુધી 145 દેશોમાં ફેલાયેલા કોરોના વાઇરસથી વિશ્વભરમાં મોતનો આંકડો 7,000ને પાર કરી ચૂક્યો છે.

ટ્રમ્પે પણ એકસાથે 10થી વધુ લોકોને એકઠા કરવા પ્રતિબંધ મૂક્યોઅમેરિકી રાષ્ટ્રપતિ ટ્રમ્પે પણ પોતાના નાગરિકોને કહ્યું છે કે એકસાથે 10થી વધુ લોકો એકઠા નહીં થઈ શકે. તેમણે એમ પણ કહ્યું હતું કે આ રોગચાળા સામે મહિનાઓ લાંબા ચાલનારા સંઘર્ષ માટે તૈયાર રહો.

બ્રિટન, કેનેડા, ફ્રાન્સ, જર્મની, ઇટાલી, જાપાન અનમે અમેરિકા દ્વારા સંયુક્ત નિવેદનમાં કહ્યું છે કે કોવિડ-19 રોગચાળો એક માનવીય વિપદા છે અને વૈશ્વિક સ્વાસ્થ્ય સંકટ છે, જે વૈશ્વિક અર્થતંત્રો માટે મુખ્ય જોખમ છે.

 

 

 

 

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]