નવી દિલ્હી: ભારત-પાકિસ્તાન વચ્ચે પ્રવર્તી રહેલી સ્થિતિની વચ્ચે કેન્દ્ર સરકારે મોટો નિર્ણય લીધો છે. તમામ OTT પ્લેટફોર્મને નિર્દેશ આપ્યા છે કે, કોઈ પણ પાકિસ્તાની કન્ટેન્ટ, ગીત, પોડકાસ્ટને ભારતમાં દેખાડવામાં ન આવે. મતલબ એ થયો કે પાકિસ્તાની કોન્ટેંટ પર પ્રતિબંધ લાગી ગયો છે. હવે પાકિસ્તાની ગીત તથા વેબ સીરીઝ પણ દર્શકો જોઈ શકશે નહીં.
ભારતના ‘ઓપરેશન સિંદૂર’ બાદથી પાકિસ્તાનની કમર તૂટી ગઈ છે. હવે પાડોશી દેશની ઇન્ટરટેનમેન્ટ ઈન્ડસ્ટ્રીને પણ ભારતે તોડી નાખી છે. ભારતમાં નિર્ણય લેવાયો છે કે, હવે તમામ પ્લેટફોર્મ પરથી પાકિસ્તાની કેન્ટેન્ટને દૂર કરવામાં આવશે. પાકિસ્તાની ગીત, વેબ સિરીઝ કે પોડકાસ્ટ હવે ભારતમાં નહીં દેખાય. ભારત સરકારે આ પગલું ઉઠાવતા તમામ OTT પ્લેટફોર્મને કડક નિર્દેશ પણ આપી દીધા છે.
ભારતમાં પાકિસ્તાની કેન્ટેન્ટ પ્રતિબંધ
પહલગામ આતંકી હુમલા બાદ ભારતે કેટલીય પાકિસ્તાની યૂટ્યૂબ ચેનલ અને હસ્તીઓ પર પ્રતિબંધ મૂકી દીધો હતી. હવે વધુ એક પગલું આગળ વધારતા પાકિસ્તાની કોન્ટેન્ટને પણ બેન કરી દીધું છે. જે બાદ પાકિસ્તાની ઈન્ડસ્ટ્રિને મોટો ફટકો લાગી શકે છે.
