અમદાવાદ: અપોલો હોસ્પિટલ્સ ખાતે ગુજરાતના પ્રથમ નર્સ દ્વારા સંચાલિત ક્લિનિકનું ઉદઘાટન કરવામાં આવ્યું. અપોલો હોસ્પિટલ્સના અમદાવાદના સીઇઓ કમાન્ડર જેલ્સન કવલક્કટે હસ્તે આ ઉદ્ઘાટન કરવામાં આવ્યું. અપોલો હોસ્પિટલ્સના ગ્રૂપ ડાયરેક્ટર નર્સિંગ, કેપ્ટન ડૉ. ઉષા બેનર્જીના દૂરંદેશી નેતૃત્વ હેઠળ નર્સ દ્વારા સંચાલિત ક્લિનિકની પહેલ લોંચ કરાઇ હતી.
આ સુવિધામાં પ્રશિક્ષિત નર્સો પેશન્ટ એજ્યુકેશન, કન્સલ્ટેશન, હોસ્પિટલમાંથી રજા મળ્યાં બાદ દેખભાળ અને નિયમિત ફોલો-અપ દ્વારા દર્દીઓને સપોર્ટ કરશે. આ નર્સો મુખ્ય પાર્ટનર્સ તરીકે ડોક્ટર્સને સહયોગ કરશે, જેથી સારવારના સારા પરિણામો મેળવવા અને એકંદર પેશન્ટ કેર માટે મદદ મળશે.
આ સુવિધાનું સંચાલન રજિસ્ટર્ડ અને એડવાન્સ્ડ નર્સ પ્રેક્ટિશનર્સ દ્વારા કરાશે, જેઓ પ્રિવેન્ટિવ કેર અને ક્રોનિક ડિસિઝ મેનેજમેન્ટ ઉપર ધ્યાન કેન્દ્રિત કરશે.
