રાજ્યમાં ત્રણ વરસાદી સિસ્ટમ સક્રિય થવાથી હવામાન વિભાગે ભારેથી અતિભારે વરસાદની આગાહી વ્યક્ત કરી છે. જ્યારે હવામાન વિભાગની આગાહી પગલે રાજ્યમાં નોંધપાત્ર વરસાદ નોંધાય રહ્યો છે. મળતી માહિતી અનુસાર છેલ્લા 24 કલાકમાં 41 તાલુકામાં નોંધપાત્ર વરસાદ વરસ્યો છે. ત્યારે આજે સૌરાષ્ટ્રના દ્વારકા, જામનગર, રાજકોટ, પોરબંદર અને જૂનાગઢમાં વરસાદનું રેડ એલર્ટ હવામાન વિભાગ દ્વારા આપવામાં આવ્યું છે.
ગુજરાતમાં આ વર્ષે લલનીનો કારણે વધુ વરસાદની થવાની આગાહી વ્યક્ત કરવામાં આ છે. ત્યારે હાલ સુધીમાં ગુજરાતમાં સિઝનનો એવરેજ 33.51 ટકા વરસાદ નોંધાયો છે. જેમાં સૌરાષ્ટ્ર ઝોનમાં મોસમનો 42.98 ટકા વરસાદ નોંધાયો છે. આ ઉપરાંત કચ્છ ઝોનમાં મોસમનો કુલ 43.78 ટકા, દક્ષિણ ગુજરાતમાં 37.93 ટકા વરસાદ નોંધાયો છે. જ્યારે ઉત્તર ગુજરાતમાં 23.86 ટકા અને પૂર્વ-મધ્ય ગુજરાતમાં 22.86 ટકા મોસમનો કુલ સરેરાશ વરસાદ નોંધાયો છે.
રાજ્યમાં છેલ્લા 24 કલાકમાં 41 તાલુકામાં નોંધપાત્ર વરસાદ નોંધાયો છે. જેમાં કચ્છના લખતરમાં 27 mm, ગીર સોમનાથના તાલાલામાં 13 mm, રાજકોટના કોટડા સંગાણીમાં 13 mm, વલસાડમાં 12 mm, ખેડાના નડિયાદમાં 12 mm આ ઉપરાંત રાજ્યના 36 તાલુકમાં 1 થી 10 mm વચ્ચે વરસાદ નોંધવામાં આવ્યો છે.
ગુજરાત રાજ્ય માટે નું વરસાદ નું પૂર્વાનુમાન#weather #WeatherUpdate #gujarat
DAY1-4 pic.twitter.com/T0Ib2OwNNE— IMD Ahmedbad (@IMDAHMEDABAD) July 17, 2024
હવામાન વિભાગની આગાહી પર નજર કરીએ તો, આજે દ્વારકા, પોરબંદર, જામનગર, રાજકોટ, જૂનાગઢ અને મોરબીમાં વરસાદનું રેડ એલર્ટ આપવામાં આવ્યુ છે. આ ઉપરાંત કચ્છ, સુરેન્દ્રનગર, બોટદ, ભાવનગર, અમરેલી, ગીર સોમનાથ, નવસારી, વલસાડમાં અતિભારે અને બનાસકાંઠા, પાટણ, અમદાવાદ, ભરૂચ, વડોદરા, છોટા ઉદેપુર, નર્મદા, સુરત, તાપી અને ડાંગમાં ભારે વરસાદની શક્યતા છે. જ્યારે તારીખ 19 અને 20 જુલાઈના રોજ સૌરાષ્ટ્ર, કચ્છ અને દક્ષિણ ગુજરાતમાં ભારે વરસાદ થવાની શક્યતા વ્યક્ત કરવામાં આવી છે.
