ગાંધીનગરઃ નેશનલ ઇન્સ્ટિટ્યૂટ ઓફ ફેશન ટેક્નોલોજી-ગાંધીનગરના ફેશન મેનેજમેન્ટ વિભાગે પહેલીથી ત્રીજી નવેમ્બર દરમ્યાન કારીગરો માટે જાગરુકતા વર્કશોપનું આયોજન કર્યું હતું. સંસ્થાના ડિરેક્ટર પ્રોફેસર સમીર સુદે અને ગાંધીનગરના સુપરિટેન્ડેન્ટ ઓફ પોલીસે સંયુક્ત રીતે આ વર્કશોપનું ઉદઘાટન કર્યું હતું.
સંસ્થાના ડિરેક્ટર સુદે જણાવ્યું હતું કે વિવિધ ક્રાફ્ટ ક્લસ્ટર્સમાંથી આ વર્કશોપમાં ભાગ લેવા કારીગરો આવ્યા હતા, એ બધા કારીગરોને વર્કશોપમાં શીખવાની પ્રક્રિયા માટે આ વર્કશોપ માટે આવકાર્યા હતા. આ વર્કશોપમાં માતાની પછેડી, કચ્છ જેવી એમ્બ્રોઇડરી, રત્ન જડતર, ઢાબળા, ધુરી અને કાળા કોટન જેવી કારીગરી કારીગરોને બતાવવામાં આવી હતી.
સંસ્થાએ કારીગરો માટે ‘ક્રાફ્ટ કોમર્સ કોન્ફ્લુઅન્સઃ બિઝનેસ એક્સપાન્શન ઇન ક્રાફ્ટ સેક્ટર’ પર એક સેમિનારનું આયોજન કર્યું હતું, જેમાં મુખ્ય અતિથિ તરીકે નીતેશ ભાર્ગવ, નીલેશ પ્રિયદર્શી, જય કાકાણી અને ચંદ્રમૌલી પાઠક હાજર રહ્યા હતા.
આ સેમિનારમાં લાંબા વિચારવિમર્શ બાદ પરંપરાગત ભારતીય ક્રાફ્ટના સાંસ્કૃતિક વારસાને પ્રોત્સાહન આપવા સાથે કારીગરો સાથે મુલાકાત યોજવામાં આવી હતી.
આ વર્કશોપમાં આવેલાં કચ્છી એમ્બ્રોઇડરીનાં કલાકાર શીલાબહેનને માર્કેટિંગના પડકારોનો સામનો કરતા હતા, જ્યારે કારીગર અજીભાઈ ભાટી કચ્છના નરમ ચામડા કામના પ્રવીણ હતા, જ્યારે વણકર પરવેઝ અને તેમનો પરિવાર પરંપરાગત ઢાબળા વિવિંગમાં નિપુણ હતા. આ વર્કશોપમાં કારીગરોએ તેમનું કૌશલ બતાવ્યું હતું.
