શહેરના માર્ગો પર ટ્રમ્પને આવકારતા હોર્ડિંગ્સ મુકાયા

અમદાવાદ: શહેરના મોટેરા સ્ટેડિયમના ઉદ્ઘાટન પ્રસંગે 24 ફેબ્રુઆરીના રોજ હાજરી આપે એ પૂર્વે તમામ પ્રકારની તૈયારીઓ શરુ કરી દેવામાં આવી છે. મજબુત સુરક્ષા વ્યવસ્થા, શહેરના એરપોર્ટ થી મોટેરા સ્ટેડિયમ, ગાંધીઆશ્રમ તરફ જતા માર્ગો ની સુંદરતા વધારવા અને જાળવવાના ભરપૂુર પ્રયાસો થઇ રહ્યા છે.

બીજી તરફ અમદાવાદ શહેરના માર્ગો પર અમેરિકાના પ્રમુખને આવકારતા, સ્વાગત કરતાં અને ભારત-અમેરિકાની મૈત્રી દર્શાવતા વિશાળ હોર્ડિંગ્સ લગાડવાની કામગીરી શરુ કરી દેવાઇ છે.

શહેરના આશ્રમ રોડ, સુભાષબ્રિજ ઉપરાંત સી.જી. રોડ જેવા માર્ગો પર પણ ડોનાલ્ડ ટ્રમ્પ તેમની પત્ની , વડાપ્રધાન નરેન્દ્ર મોદી સાથે હોર્ડિંગ્સ જોવા મળી રહ્યા છે. આ હોર્ડિંગ્સમાં સ્ટ્રોંગેસ્ટ ફ્રેન્ડશિપ ફોર બેટર ફ્યુચર, બે વિરાટ લોકતાંત્રિક પરંપરાઓ એક મંચ પર…, એક ઐતિહાસિક પડાવ ભારત અમેરિકા મૈત્રીનો…જેવા જુદા જુદા વાક્યો લખવામાં આવ્યા છે. મોટેરા જતા માર્ગો સિવાય પણ અમદાવાદના અનેક વિસ્તારમાં અમેરિકન પ્રમુખના 24મીના આગમન અને આવકારના હોર્ડિંગ્સ મુકાઇ રહ્યા છે.
(પ્રજ્ઞેશ વ્યાસ)

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]