અમદાવાદઃ હાઈકોર્ટે રખડતાં ઢોર મુદ્દે સરકાર અને અમદાવાદ મ્યુનિસિપલ કોર્પોરેશનને હાલમાં જ આડે હાથ લીધી હતી. અમદાવાદ મ્યુનિસિપલ કોર્પોરેશન દ્વારા ઢોર અંકુશ પોલિસીને સુધારાવધારા સાથે મંજૂરી આપી દેવામાં આવી છે. આ પોલિસીનો અમલ કાગળ પર જ જોવા મળી રહ્યો છે. શઙેરના નરોડામાં એક મહિલા પર રસ્તા ઉપર ઊભેલી ગાયે અચાનક હુમલો કર્યો હતો. મહિલા નીચે પડી જતાં તેને ગાયે શિંગડાં માર્યાં હતાં. સ્થાનિક લોકોએ મહિલાને ગાયના હુમલામાંથી બચાવી હતી. જોકે રસ્તા પર રખડતા ઢોરના આવા બનાવ છાસવારે બનતા જ રહે છે, પણ આવા બનાવ અટકાવવા માટે નીંભર તંત્ર દ્વારા કોઈ કાર્યવાહી થતી નથી.
નરોડા વિસ્તારમાં નવરંગ ફ્લેટ પાસેથી વર્ષાબહેન પંચાલ નામની મહિલા રસ્તા પરથી પસાર થઈ રહ્યાં હતાં. એ દરમિયાનમાં રોડ ઉપર ગાયોનું ટોળું ઊભું હતું. અચાનક જ એક ગાય તેમને જોઈને તેમની પાછળ પડી હતી. વર્ષાબહેન દોડવા ગયાં,પણ એ દરમિયાન તેઓ નીચે પડી ગયાં હતાં અને ગાયે તેમની ઉપર હુમલો કરી દીધો હતો. આ ગાયે 20 સેકન્ડ સુધી મહિલા પર હુમલો કરી તેમને ઇજાઓ પહોંચાડી હતી. ત્યાંના સ્થાનિક લોકો દોડી આવ્યા હતા અને ગાયને ભગાડી હતી. ત્યાર બાદ મહિલાને શરીરના ભાગે ઇજાઓ થતાં 108 બોલાવી સારવાર માટે ખાનગી હોસ્પિટલમાં ખસેડવામાં આવ્યાં હતાં. મહિલાને પાંસળીઓના ભાગે ગંભીર ઇજાઓ પહોંચી છે.
चेन्नई के बाद अब अहमदाबाद से ये दर्दनाक तस्वीरें सामने आई हैं जहाँ आप देख सकते हैं किस तरह से सड़क पर घूम रहे आवारा मवेशी गुज़र रहे लोगो को नुकसान पंहुचा रहे हैं#Ahmedabad #straycattle #viralvideo #BREAKING_NEWS #actionneedstobetaken pic.twitter.com/KBtnVnYllQ
— mishikasingh (@mishika_singh) August 29, 2023
રખડતાં પશુઓને લઈ નિયંત્રણ માટે ઢોર પોલિસી અમદાવાદ મ્યુનિસિપલ કોર્પોરેશન તંત્ર દ્વારા જાહેર કરવામાં આવી છે. જોકે ઢોર નિયંત્રણ પોલિસીનો અમલીકરણ હજી સુધી કરવામાં આવ્યો નથી. અમદાવાદમાં તમામ વિસ્તારોમાં રોડ ઉપર ઢોર રખડતાં જોવા મળી રહ્યાં છે. મ્યુનિસિપલ કોર્પોરેશન તંત્ર આખા દિવસમાં શહેરમાંથી રોજના 50થી પણ ઓછા ઢોર પકડવામાં આવતાં સીએનસીડી વિભાગની કામગીરી સામે સવાલ ઊભા થયા છે.
![](https://chitralekha.com/chitralemag/wp-content/themes/Newspaper/images/whatsapp-channel-follow.png)