અમદાવાદઃ રાજ્યના મુખ્ય મંત્રી ભૂપેન્દ્ર પટેલના ૬૧મા જન્મદિવસ અવસરે રાષ્ટ્રપતિ રામનાથ કોવિંદજીએ તેમને શુભેચ્છાઓ પાઠવીને સ્વસ્થ તંદુરસ્ત જીવનની શુભ- કામનાઓ આપી હતી. રાજ્યની જનતા જનાર્દનની સેવામાં ભૂપેન્દ્ર પટેલ સતત કાર્યરત રહે તેવી શુભેચ્છાઓ પણ રાષ્ટ્રપતિએ પાઠવી હતી. મુખ્ય મંત્રી ભૂપેન્દ્ર પટેલના જન્મદિવસે ઉત્તર પ્રદેશનાં રાજ્યપાલ શ્રીમતી આનંદીબહેન પટેલે પણ તેમને શુભકામનાઓ પાઠવી હતી.
મુખ્ય મંત્રી ભૂપેન્દ્રભાઈ પટેલના જન્મદિવસે તેમના મત વિસ્તાર ઘાટલોડિયામાં અનેકવિધ સેવાકાર્યેા હાથ ધરવામાં આવવાના છે, જેમાં સોલા સિવિલ હોસ્પિટલમાં ફ્રૂટ વિતરણ, દર્દીના સગાઓ માટેના અન્નક્ષેત્રમાં મીઠાઈ વિતરણ, સત્તાધાર સોલા ઓવરબ્રિજ નીચે વૃક્ષારોપણ, આંગણવાડીમાં બાળકોને રમકડાં વિતરણ, સફાઈ કામદારોનું સન્માન, બહુચરાજી મંદિરે ગરબા, સોલા ભાગવત મંદિરે પૂજન–અર્ચન તેમજ ઈસ્કોન મંદિરે મહાઆરતી અને સૌધામ મંદિર થલતેજમાં દરિદ્રનારાયણોને ભોજન વિતરણ તેમ જ મહાઆરતી સહિતના સેવાકાર્યેાનો સમાવેશ થાય છે. 
મુખ્ય પ્રધાને જન્મદિનના અવસરે ત્રિમંદિરના દર્શનના ફોટો શેર કરતાં કહ્યું હતું કે આજે મારા જન્મદિવસના અવસરે અડાલજના ત્રિમંદિરે જઈ વર્તમાન તીર્થંકર શ્રી સીમંધર સ્વામી સહિત શાસન દેવ-દેવીઓના તથા પૂજ્ય નીરુ માની સમાધિના દર્શન કર્યા. ભગવાન સમક્ષ આત્માની ઉન્નતિ ઉપરાંત જગત કલ્યાણના ભાવ સાથે ગુજરાતના સુખ, શાંતિ, સુરક્ષા અને સમૃદ્ધિની પ્રાર્થના કરી.
આજે મારા જન્મદિવસના અવસરે અડાલજના ત્રિમંદિરે જઈ વર્તમાન તીર્થંકર શ્રી સીમંધર સ્વામી સહિત શાસન દેવ-દેવીઓના તથા પૂજ્ય નીરુમાંની સમાધિના દર્શન કર્યા.ભગવાન સમક્ષ આત્માની ઉન્નતિ ઉપરાંત જગત કલ્યાણના ભાવ સાથે ગુજરાતના સુખ, શાંતિ, સુરક્ષા અને સમૃદ્ધિની પ્રાર્થના કરી. pic.twitter.com/BNwxJS5Sne
— Bhupendra Patel (@Bhupendrapbjp) July 15, 2022
વડા પ્રધાન નરેન્દ્ર મોદીએ મુખ્ય પ્રધાનને તેમના જન્મદિનની શુભેચ્છાઓ ટ્વીટ કરીને આપી હતી. મુખ્ય પ્રધાને પણ ટ્વીટ કરીને વડા પ્રધાનનો આભાર માન્યો હતો.
આપની આત્મીય શુભકામનાઓ બદલ ખૂબ-ખૂબ આભાર આદરણીય પ્રધાનમંત્રી શ્રી @narendramodi જી.
રાષ્ટ્રવિકાસ માટેનું આપનું વિઝન અને પ્રતિબદ્ધતા મારા માટે અખૂટ ઊર્જાનો સ્ત્રોત છે. આપના માર્ગદર્શનમાં આત્મનિર્ભર ગુજરાતથી આત્મનિર્ભર ભારતના નિર્માણમાં મારા સંનિષ્ઠ પ્રયાસો અર્પણ કરું એવી કામના.— Bhupendra Patel (@Bhupendrapbjp) July 15, 2022
કેન્દ્રીય ગૃહપ્રધાન અમિત શાહે પણ મુખ્ય પ્રધાનને જન્મદિનની શુભકામનો ટ્વીટ કરીને આપી હતી.મ કેન્દ્રીય ગૃહ પ્રધાને ગુજરાતના સર્વગ્રાહી વિકાસને વડા પ્રધાનના માર્ગદર્શનમાં નવાં સીમા ચિહનો પાર કરાવવામાં મુખ્ય મંત્રીશ્રી ભૂપેન્દ્ર પટેલના કર્તવ્યભાવની સરાહના કરી હતી.
ગુજરાતના મુખ્યમંત્રી @Bhupendrapbjp જીને જન્મદિવસની શુભકામનાઓ.
મોદીજીના માર્ગદર્શનમાં આપ એજ સમર્પણ સાથે ગુજરાતની અવિરલ વિકાસયાત્રાને વેગ આપીને રાજ્યમાં પ્રગતિ અને જન કલ્યાણના નવા માપદંડો સ્થાપિત કરતા રહો. આપના સ્વસ્થ અને દીર્ઘાયુ જીવન માટે ઈશ્વરને પ્રાર્થના કરું છું.
— Amit Shah (@AmitShah) July 15, 2022
ભારતીય જનતા પાર્ટીના પ્રદેશ અધ્યક્ષ સી. આર. પાટીલજી એ મુખ્ય મંત્રી ભૂપેન્દ્ર પટેલના જન્મદિવસ અવસરે હ્રદયપૂર્વકની શુભકામના પાઠવી છે.
ગુજરાતનાં મૃદુ મુખ્યમંત્રી માનનીય શ્રી @Bhupendrapbjp જીને જન્મ દિવસની અનેકાનેક શુભેચ્છાઓ પાઠવું છું.
આપનાં નેતૃત્વમાં ગુજરાતનો વિકાસ હજી વધારે ઉંચાઇઓ સર કરે અને ઇશ્વર આપને સ્વસ્થ સ્વાસ્થ્ય સાથે દિર્ઘાયુ પ્રદાન કરે એવી પ્રાર્થના! pic.twitter.com/5BaFivSoJS
— C R Paatil (@CRPaatil) July 15, 2022
