રશિયા-યુક્રેન યુદ્ધ વચ્ચે યુક્રેને Sunday ના રોજ રશિયા પર અત્યાર સુધીનો સૌથી મોટો હવાઈ હુમલો કર્યો છે. યુક્રેન તરફથી છોડવામાં આવેલા સેંકડો ડ્રોન્સે રશિયાના અનેક વિસ્તારોને નિશાન બનાવ્યા હતા, જેમાં ઓછામાં ઓછા 6 લોકોના મોત થયા છે. હુમલા બાદ મૉસ્કો નજીક પોડોલ્સ્ક (Podolsk) માં આવેલી રશિયાની સૌથી મોટી ઈ-કોમર્સ કંપની ‘વાઇલ્ડબેરીઝ’ (Wildberries) ના વિશાળ વેરહાઉસમાં ભીષણ આગ ફાટી નીકળી હતી, જેના કારણે આકાશમાં કાળા ધુમાડાના ગોટેગોટા જોવા મળ્યા હતા. હુમલાને કારણે પોડોલ્સ્કના કોલિદિનો સ્થિત વાઇલ્ડબેરીઝના મુખ્ય લોજિસ્ટિક્સ સેન્ટરમાં આગ લાગી હતી. આ સિવાય ડોમોડેડોવો (Domodedovo) માં એક દવાની ફેક્ટરી/ગોડાઉન અને વોસ્ક્રેશેન્સ્ક (Voskresensk) માં એક ઔદ્યોગિક કેન્દ્રમાં પણ આગ લાગવાના અહેવાલો છે.
It’s worth reflecting on the miraculous heroism of Ukrainians.
The entire West betrayed and damned Ukraine to certain death in 2022 as the Russians invaded.
4.5 years later the Moscow skyline covered in thick smoke from burning military targets is becoming commonplace. pic.twitter.com/bMwgOjSA0o— Igor Sushko (@igorsushko) August 16, 2026
800 થી વધુ ડ્રોન પાડી દેવાનો દાવો
રશિયન સંરક્ષણ મંત્રાલયના જણાવ્યા અનુસાર, તેમની સેનાએ રાતોરાત યુક્રેનના 822 ડ્રોન નષ્ટ કર્યા છે. મૉસ્કોના મેયર સર્ગેઈ સોબ્યાનિને જણાવ્યું કે લગભગ 600 ડ્રોન રશિયન રાજધાની તરફ વધી રહ્યા હતા, જેમાંથી એક તૃતીયાંશ ડ્રોનને મૉસ્કો વિસ્તારમાં જ તોડી પાડવામાં આવ્યા હતા. મૉસ્કોના ગવર્નર આંદ્રેઈ વોરોબ્યોવે જણાવ્યું હતું કે એર ડિફેન્સે સમગ્ર પ્રદેશમાં 187 ડ્રોન પાડી દીધા અથવા નિષ્ક્રિય કર્યા હતા.
રોસ્તોવમાં 5 લોકોના મોત અને રશિયાનો પલટવાર
યુક્રેનનો આ હુમલો માત્ર મૉસ્કો સુધી સીમિત નહોતો, પરંતુ દક્ષિણ-પશ્ચિમી રોસ્તોવ પ્રદેશના ત્રણ શહેરોને પણ 150 થી વધુ ડ્રોનથી નિશાન બનાવવામાં આવ્યા હતા. રોસ્તોવના ગવર્નર યુરી સ્લીયુસારે પુષ્ટિ કરી હતી કે આ હુમલામાં 5 લોકોના મોત થયા છે અને અનેક ઘરો તેમજ એક રેલવે સ્ટેશનને નુકસાન થયું છે. આ હુમલાના જવાબમાં રશિયન સેનાએ પણ યુક્રેનના કીવ (Kyiv), ક્રેમેનચુક (Kremenchuk) અને ક્રિવી રિહ (Kryvyi Rih) પર મિસાઇલો અને ડ્રોન દાગ્યા હતા. યુક્રેનના રાષ્ટ્રપતિ વોલોદિમીર ઝેલેન્સ્કીના જણાવ્યા મુજબ, ક્રિવી રિહમાં રશિયન મિસાઇલ હુમલામાં 2 લોકોના મોત થયા છે અને 14 લોકો ઘાયલ થયા છે.
