આંતરરાષ્ટ્રીય મહિલા દિવસ પહેલા, અપોલો હોસ્પિટલ્સ અમદાવાદ દ્વારા ગાંધીનગર સ્થિત પંડિત દીનદયાળ એનર્જી યુનિવર્સિટી (PDEU) ખાતે સર્વાઇકલ અને સ્તન કેન્સર પર જાગૃતિ સત્રનું આયોજન કરવામાં આવ્યું હતું.
નિષ્ણાત ડોકટરોએ મહિલાઓમાં સૌથી વધુ જોવા મળતા કેન્સર અંગે માહિતી આપી હતી. અપોલો હોસ્પિટલ અમદાવાદ ખાતે સિનિયર કન્સલ્ટન્ટ અને ગાયનેકોલોજી વિભાગના વડા ડૉ. ઉષા બોહરાએ સર્વાઇકલ કેન્સર વિશે માહિતી આપી હતી, સર્વાઇકલ કેન્સર થવાના કારણો, લક્ષણો અને સારવારના વિકલ્પો અંગે વિગતવાર માહિતી આપી હતી.
અપોલો કેન્સર સેન્ટરના કન્સલ્ટન્ટ બ્રેસ્ટ સર્જન ડૉ. શુભા સિંહાએ સ્તન કેન્સર વિશે માહિત આપી હતી અને વહેલા નિદાન પર પ્રકાશ પાડ્યો હતો. આ સાથે જ વર્ષમાં એક વખત મહિલાઓને સર્વાઇકલ અને સ્તન કેન્સર બાબત તપાસ કરવા અંગે તબીબોએ અનુરોધ કર્યો હતો. આ સત્રમાં 100 થી વધુ વિદ્યાર્થીઓ અને ફેકલ્ટીએ હાજરી આપી હતી, અને કેન્સરના નિવારણ અને સંભાળ વિશે મૂલ્યવાન જ્ઞાન મેળવ્યું હતું.
