નવી દિલ્હીઃ અમેરિકામાં આશરે 97,000 ભારતીયો જાનમાલના નુકસાન છતાં ખતરનાક રસ્તાથી પ્રવેશવાના પ્રયાસ કર્યા હતા, આ લોકોમાં 700થી વધુ તો બાળકો હતો. ઓક્ટોબર, 2022 અને સપ્ટેમ્બર, 2023 દરમ્યાન એક વર્ષમાં ગેરકાયદે રીતે અમેરિકામાં પ્રવેશ કરતા સમયે રેકોર્ડ 96,917 ભારતીયોની ધરપકડ થઈ હતી.
અમેરિકી કસ્ટમર એન્ડ બોર્ડર પ્રોટેક્શને આ ખુલાસો કર્યો હતો, એમાં 3,00,10ને કેનેડા તરફથી અમેરિકામાં ગેરકાયદે ઘૂસતા પકડવામાં આવ્યા હતા, જ્યારે બીજી તરફ 41,770ને મેક્સિકોની બોર્ડર તરફથી પકડવામાં આવ્યા હતા. બાકીના લોકોને અમેરિકામાં પ્રવેશ થયા પછી પકડવામાં આવ્યા હતા.
છેલ્લા એક વર્ષમાં આશે 97,000 ભારતીયોને અમેરિકામાં ગેરકાયદે પ્રવેશને મામલે પકડવામાં આવ્યા હતા. અમેરિકામાં આવા ગેરકાયદે પ્રવેશનારાઓની સંખ્યામાં ઝડપથી વધારો થયો છે. છેલ્લા પાંચ વર્ષમાં આ આંકડો પાંચ ગણો વધી ગયો છે. 2019-20માં 19,883 ભારતીયોને ગેરકાયદે પ્રવેશના મામલે પકડવામાં આવ્યા હતા.
ગુજરાત, પંજાબના લોકો વધુ
અમેરિકામાં ગેરકાયદે પ્રવેશ કરવાવાળા લોકોમાં ગુજરાત અને પંજાબના વધુ લોકો છે, જે અમેરિકામાં વસવાટ કરવા ઇચ્છે છે. આ લોકોમાંથી જે લોકોને પકડવામાં આવે છે, તેમને ચાર શ્રેણીમાં વહેંચવામાં આવે છે. સિંગલ્, એકલાં બાળકો, પરિવારની સાથે બાળકો અને ફેમિલી. અત્યાર સુધી જેટલા લોકો પકડાયા છે, એમાં 730 તો બાળકો છે, જ્યારે 84,000 એકલા જ અમેરિકામાં ઘૂસવાના પ્રયાસ કરી રહ્યા હતા. સ્થાનિક મિડિયાના અહેવાલ અનુસાર પ્રતિ વર્ષ બહુબધા ભારતીયો ગેરકાયદે પ્રવેશના પ્રયાસમાં પકડાઈ જાય છે, પરંતુ માત્ર કેટલાકનો દેશનિકાલ કરવામાં આવે છે, કેમ કે તેઓ માનવીય આધારે ત્યાં શરણ ઇચ્છતા હોય છે.
