ગુજરાતમાં નસીલા પાદાર્થ પકડાવાનો સીલસલો યથાવત્ જોવા મળી રહ્યો છે. પહેલા ગુજરાતના દરિયા કિનારેથી નસીલા પદાર્થો ઘુસાડવા માટે પેડલરો અવનાર રસ્તા અપનાવતા હતા. ત્યારે હવે ગુજરાતના પડેલરો મહાનગરોમા પણ નસીલા પદાર્થો ધુસાડવાનો પ્રસાસ કરતા હોય છે. સુરતના ઓલપાડના નાની નરોલી ગામેથી પોલીસે 750 કિલો ગાંજાનો જથ્થો જપ્ત કર્યો છે. આ ગાંજાની કુલ બજાર કિંમત 74.03 લાખ છે.
સુરતના ઓલપાડના ગ્રામ્ય વિસ્તારમાંથી આ ગાંજો ઝડપાયો હોવાની વાત સામે આવી છે.નાની નરોલી ગામેથી ગાંજો ઝડપીને પોલીસે એક મહિલા સહિત બે આરોપીની પોલીસે ધરપકડ કરીને વધુ તપાસ હાથધરી છે. જે આરોપીઓએ ગાંજો મોકલ્યો છે તેની ધરપકડ કરવાની બાકી છે. ત્યારે આટલી મોટી માત્રામાં ગાંજો ગુજરાત સુધી કંઈ રીતે પહોંચ્યો તેને લઈ ઉંડાણપૂર્વક તપાસ હાથધરાઈ છે. આ ગાંજો કોને આપવાનો છે તેને લઈ અનેક ખુલાસાઓ થઈ શકે છે. હવે ગુજરાતમાં નવી મોડસ ઓપરેન્ડી સામે આવી છે, જેમાં ટ્રક અને કન્ટેનરમાં આ ગાંજાનો જથ્થો મંગાવાવમાં આવી રહ્યો છે. આ ગાંજાના જથ્થો પહેલા એક જગ્યાએ આવી જાય અને ત્યાંથી અલગ-અલગ લોકોને ગાંજો સપ્લાય થતી હોવાની વાત સામે આવી છે. સમગ્ર ઘટનાની વાત કરવામાં આવે તો,ગાંજો મોકલનાર ઓડિશાના ત્રણ લોકો પોલીસ પકડથી બહાર છે. સુરતમાં અત્યાર સુધી સૌથી વધુ પ્રમાણમાં ગાંજા વેચતા લોકોને પોલીસે ઝડપી પાડયા છે. આરોપીઓની ધરપકડ કર્યા બાદ સુરત પોલીસે વધુ તપાસ હાથ ધરી છે. આરોપીએ પોલીસથી બચવા માટે ઘરના ધાબા પર ગાંજો સંતાડયો હતો, પરંતુ પોલીસની બાતમી મળતા ગાંજા સાથે ઘરમાંથી આરોપીની ધરપકડ કરી છે.
